Beteja e parë e El Alamein-it

Beteja e parë e El-Alamejnit
Pjesë e Fushatës së Shkretëtirës Perëndimore të Luftës së Dytë Botërore
Këmbësorë britanikë mbrojnë një pozicion me thasë me rërë pranë El-Alamejnit, 17 korrik 1942
Data 1-27 korrik 1942 Vendi El-Alamejn, Egjipti i pushtuar nga Britania e Madhe 30°50′29″N 28°56′34″E / 30.84139°N 28.94278°E / 30.84139; 28.94278 Rezultati Ngërç
Ndërluftuesit
Italia Gjermania naziste	Mbretëria e Bashkuar Mbretëria e Egjiptit India  Zelanda e Re  Australia Afrika e Jugut
Komandantët dhe udhëheqësit
Ettore Bastico Erwin Rommel Walther Nehring Giuseppe De Stefanis Enea Navarini Benvenuto Gioda	Claude Auchinleck William Ramsden William Gott William Holmes
Fuqia
96,000 trupa (56,000 italiane, 40,000 gjermane) 70 tanke fillimisht (585 tanke më vonë) ~500 avionë	150,000 trupa 179 tanke fillimisht (1,114 tanke më vonë) 1,000+ artileri 1,500+ avionë
Viktimat dhe humbjet
10,000 të vrarë dhe të plagosur 7,000 të burgosur	13,250 të vrarë dhe të plagosur

Beteja e Parë e El-Alamejnit (1–27 korrik 1942) ishte një betejë e fushatës së Shkretëtirës Perëndimore të Luftës së Dytë Botërore, e zhvilluar në Egjipt midis forcave të Boshtit (gjermane dhe italiane) të Ushtrisë Panzer të Afrikës — që përfshinte Afrika Korps nën komandën e Feldmarshal Ervin Romelit —dhe forcave aleate (Perandoria Britanike dhe Komonuelthi) të Ushtrisë së Tetë nën komandën e Gjeneralit Klod Oçinlek.

Në këtë betejë, britanikët ndaluan një përparim të dytë të forcave të Boshtit në Egjipt. Pozicionet e Boshtit pranë El-Alamejnit, vetëm 106 kilometra nga Aleksandria, ishin rrezikshëm afër porteve dhe qyteteve të Egjiptit, bazave të forcave të Komonuelthit dhe Kanalit të Suezit. Megjithatë, forcat e Boshtit ishin shumë larg bazës së tyre në Tripoli në Libi për të qëndruar në El-Alamejn për një kohë të pacaktuar, gjë që i shtyu të dyja palët të grumbullonin furnizime për më shumë ofensiva, kundër kufizimeve të kohës dhe distancës.