Bledar Çuçi
Bledar Çuçi | |
|---|---|
| Deputet i Kuvendit | |
Titullar | |
| Në detyrë 2025 | |
| Njësia zgjedhore | Vlorë |
| Ministër i Brendshëm | |
| Në detyrë 17 dhjetor 2020 – 8 korrik 2023 | |
| Kryeministri | Edi Rama |
| Paraprirë nga | Sandër Lleshaj |
| Pasuar nga | Taulant Balla |
| Ministër i Bujqësisë dhe Zhvillimit Rural | |
| Në detyrë 17 janar 2019 – 17 dhjetor 2020 | |
| Kryeministri | Edi Rama |
| Paraprirë nga | Niko Peleshi |
| Pasuar nga | Milva Ekonomi |
| Ministër Shteti për Çështjet Vendore | |
| Në detyrë 15 shtator 2013 – 19 mars 2017 | |
| Kryeministri | Edi Rama |
| Pasuar nga | Eduard Shalsi |
| Të dhëna vetjake | |
| U lind më | 14 nëntor 1970 Tirana, Shqipëria |
| Nënshtetësia | Shqiptar |
| Partia politike | Partia Socialiste e Shqipërisë |
| Shkollimi | Universiteti i Tiranës Universiteti Hasselt |
| Punësimi | Jurist, politikan |
| Nënshkrimi | .svg.png) |
Bledar Çuçi (lindur më 14 nëntor 1970 në Tiranë) është jurist dhe politikan shqiptar, anëtar i Partisë Socialiste. Ai ka shërbyer si ministër shteti për Çështjet Vendore, ministër i Bujqësisë dhe Zhvillimit Rural dhe ministër i Brendshëm. Në vitin 2025 u zgjodh deputet i Kuvendit të Shqipërisë për qarkun e Vlorës.[1][2]
Biografia
Bledar Çuçi lindi në Tiranë më 14 nëntor 1970. Në vitin 1995 përfundoi studimet e larta për Drejtësi në Universitetin e Tiranës, ndërsa në vitin 1998 kreu studimet pasuniversitare për menaxhim në Universitetin Hasselt në Belgjikë.[3]
Në vitet 1996–1997 punoi si jurist në Ministrinë e Shëndetësisë dhe Mjedisit, ndërsa në periudhën 1999–2000 ishte oficer i Policisë Gjyqësore pranë Gjykatës së Rrethit Tiranë.[4]
Karriera politike
Çuçi ka mbajtur funksione të ndryshme në administratën publike dhe në qeveri. Në periudhën 2013–2017 shërbeu si ministër shteti për Çështjet Vendore dhe koordinator kombëtar kundër korrupsionit në qeverinë e parë të drejtuar nga Edi Rama. Në këtë detyrë u përfshi në proceset e reformës territoriale, decentralizimit dhe bashkëpunimit ndërmjet pushtetit qendror e vendor.[5][6]
Në janar 2019 ai u emërua ministër i Bujqësisë dhe Zhvillimit Rural, duke pasuar Niko Peleshi. Gjatë mandatit të tij drejtoi politikat për sektorin bujqësor, zhvillimin rural dhe bashkëpunimin ndërkombëtar në fushën e bujqësisë e peshkimit.[7]
Më 17 dhjetor 2020, Çuçi u emërua ministër i Brendshëm, pas dorëheqjes së Sandër Lleshajt. Ai e mbajti këtë detyrë deri më 8 korrik 2023, kur u pasua nga Taulant Balla.[8]
Në shtator 2023, pas largimit nga qeveria, Çuçi u zgjodh kryetar i Grupit Parlamentar të Partisë Socialiste në Kuvendin e Shqipërisë.[9]
Në zgjedhjet parlamentare të vitit 2025, ai u zgjodh deputet për qarkun e Vlorës dhe është anëtar i Grupit Parlamentar të Partisë Socialiste.[10]
Shih edhe
Referime
- ↑ "Bledar Çuçi". Partia Socialiste e Shqipërisë. Marrë më 29 prill 2026.
- ↑ "Bledar Çuçi". Kuvendi i Shqipërisë. Marrë më 29 prill 2026.
- ↑ "Bledar Çuçi". Partia Socialiste e Shqipërisë. Marrë më 29 prill 2026.
- ↑ "Bledar Çuçi". Partia Socialiste e Shqipërisë. Marrë më 29 prill 2026.
- ↑ "OSCE Presence and Government of Albania launch anti-corruption initiative". OSCE Presence in Albania (në anglisht). 17 dhjetor 2014. Marrë më 29 prill 2026.
- ↑ "Consultative Council for central and local government set up in Albania". Council of Europe (në anglisht). 19 janar 2017. Marrë më 29 prill 2026.
- ↑ "Building together a new strategy for Mediterranean and Black Sea fisheries and aquaculture". FAO (në anglisht). Marrë më 29 prill 2026.
- ↑ "Bledi Çuçi, new Interior Minister". Kryeministria (në anglisht). 16 dhjetor 2020. Marrë më 29 prill 2026.
- ↑ "Changes in Albanian political landscape, as new parliamentary session gets underway". Euronews Albania (në anglisht). 4 shtator 2023. Marrë më 29 prill 2026.
- ↑ "Bledar Çuçi". Kuvendi i Shqipërisë. Marrë më 29 prill 2026.