Bujar Lako

Bujar Lako
Bujar Lako në të majtë, në filmin Gjeneral Gramafoni
Lindi	(1947-05-09)9 maj 1947 Korçë
Vdiq	26 dhjetor 2016 (70 vjeç) Tirana, Albania
Profesioni	Aktor
Vitet aktive	1973–2016

Bujar Lako (9 maj 1947 - 26 dhjetor 2016) lindi në Korçë dhe ishte aktor i mirënjohur shqiptar.

Karriera

Debutimin e parë si aktor e pati në Teatrin Kombëtar pas mbarimit të studimeve në Institutin e Lartë të Arteve në Tiranë në vitin 1973. Shumë shpejt bëhet i njohur nëpërmjet filmave "Në fillim të verës" i Gëzim Erebarës dhe "Përballimi" i Viktor Gjikës. Pas kësaj, ai realizon një sërë figurash në rreth tridhjetë filma midis të cilëve mund të përmendim: "Gjeneral gramafoni", "Udha e shkronjave", "Ballë per ballë”, "Kthimi i ushtrisë se vdekur" dhe "Gurët e shtëpisë sime" dhe "Amiko".

Në teatër ka interpretuar rreth shtatëdhjetë role, si: "Vizita e inspektorit" Xh. Pristli, `Monserati" E. Robles, "Vdekja e një komisioneri" A. Miler (F. Haxhiraj), "Vdekja e Dantonit" Byhner (V. Milçin), "Ditë vere" Mrozhek, (B. Lako), "Ariu" Çehov (S. Duni) etj. Në vitin 1992 interepreton në Teatrin e Kombësive ne Shkup në produksionin "Varrtarët" .

Në vitin 1975 nderohet me çmimin e veçantë per filmin "Përballimi". Në vitin 1979 çmimin e veçantë per filmin "Ballë per ballë". Në festivalin e filmit të vitit 1979 vlerësohet si aktori me i mirë i festivalit dhe nderohet me kupën e festivalit per rolin e Halit Beratit në filmin "Gjeneral gramafoni". Në vitin 1979 është lauruar me çmimin e Republikës së shkallës se pare, per filmat "Gjeneral gramafoni" dhe "Ballë per ballë”. Në vitin 1982 është nderuar me urdhrin "Naim Frashëri" klasi i pare, per interpretim në teatër. Në festivalin e filmit të vitit 1991 është shpallur aktori me i mirë per interpretimin e rolit të gjeneralit në filmin "Kthimi i ushtrisë se vdekur". Në vitin 1985 fiton titullin "Artist i Merituar" Ne vitin 2005 Ka marë "Palmën e artë" si aktori më i mirë i Festivalit në edicionin e 29 "Cairo International Film Festival" me filmin "Megic Eye" të regjisorit Kujtim Çashku. Ky është çmimi më i madh i marë nga një aktor Shqipëtar në një festival të kategorise A..

Në vitin 2013 iu dha titulli "Nder i Kombit" nga presidenti i republikës.

Filmografia

Film

Viti	Titulli	Roli
1975	Në fillim te verës	Misto
1976	Përballimi	Martin Kreka
1978	Udha e shkronjave	Tunxhi
1978	Gjeneral gramafoni	Halit Berati
1979	Ballë për ballë	Mujo Bermema
1982	Nëntori i dytë	Luigj Gurakuqi
1983	Dora e ngrohtë	Spahiu
1984	Vendimi	Këshilltari
1984	I paharruari	Besim Peja
1985	Gurët e shtëpisë sime	Tenente Moruçi
1986	Gabimi	Arjani
1987	Vrasje ne gjueti	Ferdinandi
1987	Telefoni i një mëngjesi	Nestori
1987	Binarët	Kujtimi
1989	Kthimi i ushtrisë së vdekur	Gjenerali italian
2001	Amigo	Mësuesi
2003	Lule të kuqe, lule të zeza	Taksisti
2005	Syri magjik	Petro
2009	Honeymoons	Babai i Nikovit
2014	Amsterdam Express	Selimi

Shih edhe

Korça