Frederik Svane

Frederik Svane
Svane in 2023
Personal information
Lindi21 janar 2004 (22 vjeç)
Lübeck, Gjermani
RelativesTroels Svane (baba)
Rasmus Svane (vëlla)
Chess career
VendiGjermani
TitulliMjeshtër i madh (2022)
Vlerësimi2655 (shtator 2026)
Vlerësimi më i lartë2671 (maj 2025)
RenditjaNr. 60 (shtator 2026)
Renditja më e lartëNr. 52 (maj 2025)

Frederik Svane (lindi më 21 janar 2004) është një mjeshtër i madh shahu gjerman.

Karriera e shahut

Në moshën katërvjeçare, Frederiku iu bashkua një klubi shahu dhe filloi të mësonte e të luante kundër vëllaut të tij Rasmus Svane.[1]

Në dhjetor 2020, Svane fitoi World Online Junior U16 Championship.[2]

Në prill 2021, Svane, atëherë Mjeshtër FIDE, mundi mjeshtrin e madh Matthias Blübaum (lojtarin gjerman me renditjen më të lartë në atë kohë) në një fitore të papritur gjatë turneut "Kader Challenge", një aktivitet për lojtarët më të mirë gjermanë të shahut.[2]

Në tetor 2021, Svane arriti normën e tij të parë si Mjeshtër i Madh duke u renditur i dyti në round-robin në Kiel, Gjermani.[1]

Në maj 2022, ai siguroi dy norma të Mjeshtrit të Madh në më pak se një ditë: fillimisht duke u renditur i dyti në një turne të mbyllur të organizuar nga Klubi i Shahut i Hamburgut (me një vlerësim performance prej 2607) dhe më pas duke barazuar ndeshjen kundër Eduardas Rozentalis në Hamburg Invitational.[3]

Në tetor 2022, ai pati një paraqitje të shkëlqyer në Kampionatin Botëror të Shahut për të Rinj.[4]

Svane mori pjesë në Kupën e Botës së Shahut 2023, ku mundi Lee Jun Hyeok në raundin e parë, por u mund nga Ivan Cheparinov në raundin e dytë.

Në debutimin e tij në Olimpiadën e Shahut 2024, ai fitoi një medalje të artë individuale, duke arritur rezultatin 8/9 në tabelën e pestë.[5] Më vonë atë vit, ai u rendit i treti në Kampionatin Evropian Individual.

Në vitin 2025, Frederiku eliminoi kampionin aktual botëror, Gukesh Dommaraju, në raundin e tretë të Kupën e Botës së Shahut 2025, të mbajtur në Goa, Indi.[6] Më pas, ai mundi Shant Sargsyan në raundin e katërt, përpara se të humbiste ndaj fituesit përfundimtar, Javokhir Sindarov, në raundin e pestë.

Në Olimpiadën e Shahut 2026, Svane fitoi një tjetër medalje të artë individuale – këtë herë në tabelën e tretë. Ai arriti një rezultat prej 8,5/11, me një vlerësim të performancës në turne prej 2796.[7]

Referime

  1. 1 2 Doggers, Peter (1 qershor 2022). "Frederik Svane Sets Likely Record, Scoring Final 2 GM Norms In 24 Hours" (në anglisht).
  2. 1 2 Fischer, Johannes (6 prill 2021). "German top tournament starts with a surprise" (në anglisht).
  3. ↑ "Frederik Svane becomes GM after earning two norms in 24 hours" (në anglisht). 28 maj 2022.
  4. ↑ Schulz, Andre (18 tetor 2022). "Frederik Svane leads at World Junior Championship" (në anglisht).
  5. ↑ https://web.archive.org/web/20240922192658/https://chess-results.com/tnr967173.aspx?lan=1&art=21&flag=30%2A
  6. ↑ "Chess World Cup 2025". chess.com (në anglisht).
  7. ↑ "Chess-Results Server Chess-results.com - 46th Chess Olympiad Samarkand 2026". s3.chess-results.com (në anglisht). Marrë më 2026-09-27.

Lidhje të jashtme

This page is issued from Wikipedia. The text is available under Creative Commons Attribution-Share Alike 4.0 unless otherwise noted. Additional terms may apply for the media files.