Irkenc Hyka

Irkenc Hyka
Lindi	7 tetor 1992 Tiranë, Shqipëri
Arsimi	Liceu Artistik për Kanto, Tiranë; Akademia e Arteve
Profesionet	Këngëtar, autor këngësh, kompozitor
Vitet aktive	2009–sot

‘’‘Irkenc Hyka’’’ (lindur më 7 tetor 1992 në Tiranë) është këngëtar, autor këngësh dhe kompozitor shqiptar. Ai e nisi angazhimin e tij në muzikë që në moshën 17-vjeçare, ndërsa kishte interpretuar edhe më herët gjatë fëmijërisë në festivale të ndryshme për fëmijë.

Hyka ka përfunduar Liceun Artistik për kanto në Tiranë dhe ka ndjekur studimet në Universitetin e Arteve në Tiranë. Krahas aktivitetit si këngëtar, ai është angazhuar si autor dhe kompozitor këngësh dhe ka bashkëpunuar me artistë të ndryshëm shqiptarë. Ai vijon aktivitetin e tij muzikor dhe krijues, duke punuar edhe në studion e tij.

Jeta

Në vitin 2014, Irkenc Hyka mori pjesë në edicionin e 16-të të ‘’Kënga Magjike’’ me këngën ‘‘Ajo’’. Kënga u kompozua nga vetë Hyka, ndërsa teksti u shkrua nga Petro Xhori dhe orkestrimi u realizua nga Hyka dhe JoJo."Ajo - Irkenc Hyka". Tekste Shqip. 26 dhjetor 2014. Marrë më 13 gusht 2026.

2015–2016

Më 10 prill 2015, Hyka publikoi videoklipin ‘‘Paranormal Love’’, në bashkëpunim me Petro Xhorin. Muzika u realizua nga Hyka, ndërsa teksti u shkrua nga Xhori. Në vitin 2016 publikoi këngët ‘‘Lule Pa Erë’’ dhe ‘‘Mama’’. Për ‘‘Mama’’, Hyka realizoi muzikën dhe bashkëpunoi me Ergi Dinin në tekst, ndërsa videoklipi u prodhua nga Max Production.

2017

Në vitin 2017, Hyka publikoi disa projekte muzikore. Më 3 janar publikoi ‘‘Xhani’’, me tekst të shkruar nga Hyka dhe Petro Xhori dhe orkestrimin e Dj Jojo. Më 28 korrik publikoi ‘‘Si Të Jem Mirë’’, në bashkëpunim me Xhensila, ndërsa më 8 shtator publikoi ‘‘Haram’’. Të dyja këngët u realizuan me muzikë nga Hyka dhe tekste nga Petro Xhori, ndërsa në orkestrimin e tyre mori pjesë Dj Jojo.

Më 12 nëntor 2017, Hyka publikoi ‘‘Një Lamtumirë’’, në bashkëpunim me Dani. Teksti u shkrua nga Endrit Mumajesi dhe orkestrimi u realizua nga Dj Jojo.

2018

Gjatë vitit 2018, Hyka publikoi një seri këngësh dhe bashkëpunimesh. Më 28 shkurt publikoi ‘‘Pasqyrë’’, në bashkëpunim me Lionel Bocin, ndërsa më 4 mars publikoi ‘‘Tymi Dashnis’’, me tekst të Petro Xhorit dhe Endrit Mumajesit dhe orkestrimin e Dj Jojo.

Më 15 prill publikoi ‘‘Ne’’, ndërsa më 18 maj publikoi ‘‘Dashni e Vjetër’’, në bashkëpunim me Poni. Më 16 korrik, Hyka dhe Bes Kallaku publikuan ‘‘Makarena’’, me tekst të Endrit Mumajesit, Petro Xhorit dhe Bes Kallakut. Më 16 shtator publikoi ‘‘Si Unë’’, me tekst të Endrit Mumajesit dhe orkestrimin e Dj Jojo.

Në nëntor 2018, Hyka publikoi ‘‘Kthema’’, në bashkëpunim me Kaltrina Selimin. Muzika u realizua nga Hyka, ndërsa teksti u shkrua nga Endrit Mumajesi dhe orkestrimi nga Dj Jojo.

2019

Në vitin 2019, Hyka vijoi me një seri publikimesh dhe bashkëpunimesh. Më 2 shkurt publikoi ‘‘Valla’’, në bashkëpunim me Mimoza Shkodrën. Muzika u realizua nga Hyka, teksti nga Gent Fatali dhe orkestrimi nga Dj Jojo.

Më 23 shkurt publikoi ‘‘Katile’’, me muzikë nga Hyka, tekst nga Endrit Mumajesi dhe orkestrim nga Dj Jojo. Më 27 korrik publikoi ‘‘Jena Nda’’, në bashkëpunim me Nora Istrefin, me muzikë dhe tekst të realizuar nga Hyka.

Më 21 gusht publikoi ‘‘Këngë Shpirti’’, me muzikë nga Hyka dhe tekst nga Endrit Mumajesi. Në dhjetor publikoi ‘‘A Je Vetëm’’, në bashkëpunim me Don Phenom, me muzikë nga Hyka dhe tekst nga Endrit Mumajesi dhe Don Phenom.

2020

Në janar 2020, Hyka publikoi këngën ‘‘Mezi Pres’’. Muzika u realizua nga vetë Hyka, ndërsa teksti u shkrua nga Endrit Mumajesi. Orkestrimi u realizua nga Hyka dhe Dj Jojo, ndërsa videoklipi u prodhua nga Max Production.

Më 25 shtator 2020, Hyka publikoi ‘‘A Kishe Zemër’’. Kënga u shkrua dhe kompozua nga vetë Hyka, ndërsa miksimi dhe masterizimi u realizuan nga JoJo. Në videoklipin e këngës mori pjesë aktorja dhe këngëtarja shqiptare Zaimina Vasjari."A Kishe Zemër - Irkenc Hyka". Tekste Shqip. 25 shtator 2020. Marrë më 13 gusht 2026. Publikimi i këngës u raportua edhe nga media shqiptare, të cilat konfirmuan se Vasjari ishte pjesë e videoklipit si protagoniste dhe jo si bashkëinterpretuese."Irkenc Hyka lanson këngën "A kishe zemër", pjesë e klipit edhe Zaimina Vasjari". Lajmi.net. 25 shtator 2020. Marrë më 13 gusht 2026.

Gjatë kësaj periudhe, Hyka vijoi aktivitetin e tij si këngëtar, autor dhe kompozitor, duke bashkëpunuar me artistë të ndryshëm shqiptarë dhe duke publikuar projekte muzikore si solo, ashtu edhe në bashkëpunim.