Jonid Jorgji

Jonid Jorgji (lindur më 1986)^[1][2] është një regjisor, skenarist, producent shqiptar.^[3] Ai është kryetar i Qendrës Kombëtare të Kinematografisë, detyrë të cilën e mban që prej korrikut të vitit 2025.^[2][4][5]

Jorgji ka lindur në Tiranë, ku ka kryer studimet në fushën e filmit dhe më pas për politikë.^[2] Ai ka punuar në sektorin e medias për më shumë se një dekadë, dhe ka një përvojë të gjatë në industrinë e filmit. Që nga viti 2009, ai ka qënë President i Shoqatës së Kineastëve të Rinj Shqiptarë, ku është angazhuar në fuqizimin e artistëve të rinj dhe mbështetjen e krijimtarisë së tyre.^[6] Në vitin 2016, Jonid themeloi, një kompani për prodhimin dhe shpërndarjen e materialeve audiovizive, nëpërmjet së cilës ka prodhuar dhe drejtuar filma, dokumentarë, reklama dhe më shumë. Gjithashtu, ai ka punuar për më shumë se një dekadë në media.^[6]

Përpara emërimit të tij si kryetar i Qendrës Kombëtare të Kinematografisë, Jorgji drejtoi Agjencinë e Industrive Kreative.^[5][7][8] Aty ai ka drejtuar një sërë projektesh kyçe kulturore dhe kreative, si Qendra e Artit Agimi, Kinemaja Maks Velo, Tirana Film Office, Microfolie Tirana, Kooperativa e Artit në Tiranë dhe nisma të tjera që mbështesin ekonominë kreative dhe ekosistemin e industrive krijuese në qytet.^[6][9] Përvoja e tij e gjerë në industrine e filmit dhe përkushtimi ndaj zhvillimit të talenteve krijuese janë shtytës kyç në udhëheqjen e tij në skenën kulturore shqiptare.^[10] Gjatë dekadës së fundit, Jonid ka kontribuar në mënyrë aktive në formësimin e politikave kulturore, sociale dhe arsimore në Shqipëri.^[10]

Ai e mori detyrën e kryetarit të QKK-së me një plan ambicioz për të reformuar sektorin e kinematografisë dhe audio-vizualit në Shqipëri.^[11][12][13]

Jorgji është regjisor dhe skenarist i njohur për filma artistikë dhe formate eksperimentale. Puna e tij si regjisor përfshin:

Dy Luanë drejt Venecias (2020) – Një komedi-dramë rreth dy kineastëve shqiptarë që udhëtojnë drejt Festivalit të Filmit në Venecia. Filmi u përzgjodh si kandidatura shqiptare për Filmin më të Mirë Ndërkombëtar në edicionin e 94-t të Çmimet Oscar.^{[14][15][16][10]}

The Sweet Dealer (2020) – Serial web.

A Circus Story – Një film me realitet virtual 360°, i njohur si i pari i këtij lloji i prodhuar në Shqipëri.

Lost Days (2010) – Film i shkurtër.