Kadri Cakrani
Kadri Cakrani (1903 - 1972) ka qenë ushtarak shqiptar dhe ndër themeluesit e komandantët e forcave të Ballit Kombëtar gjatë Luftës së Dytë Botërore.
Biografia
U lind në Cakran të kazasë së Mallakastrës, i biri i Bektash bej Cakranit. Shkollën fillore dhe atë qytetëse i ndoqi dhe i kreu në Berat, deri kur gjatë pushtim-administrimit austro-hungarez, i ati me xhaxhanë Hajredin beun i mundësojnë një bursë studimi në Akademinë Ushtarake Tereziane.[1]
Ndër dokumentimet e themelimit të Ballit, më 13 prill ose në Shkodër më 31 gusht 1939, njihet ndër themeluesit e kësaj organizate.[2] Shtatorin e 1943 qe me detyrë qarkkomandant i Beratit.[3]
Me përparimin e komunistëve, nga java e tretë e shtatorit 1944 arrin të largohet drejt Italisë me krerët e tjerë të Ballit me një varkë mundësuar nga Abwehr.[4] U përfshi nga qeveria Hoxha në listën e kriminelëve që i kërkuan Aleatëve,[5] nga droja e dorëzimit u kërkoi autoriteteve italiane emigrimin e organizuar drejt Sirisë më 1948.[6]
Referime
- ↑ "Një ditë pranë stendave të muzeut Solomoni në Berat". telegraf.al. 1 maj 2018. Marrë më 10 shkurt 2020.
- ↑ Laçi, Leonora (2015). Emigracioni politik shqiptar në vitet 1944-1955. Shkodër: Rozafat. fq. 30. ISBN 9789928429957.
- ↑ Bimo, Kastriot (20 gusht 2019). "Si i shpëtoi komandanti i Ballit, Kadri Cakrani, familjet hebreje të strehuara në Berat më 1943". telegraf.al. Marrë më 10 shkurt 2020.
- ↑ Fischer, Bernd Jürgen (1999). Albania at War, 1939-1945 (në anglisht). C. Hurst & Co. Publishers. fq. 229. ISBN 9781850655312.
- ↑ Tare, Auron (22 korrik 2019). "Kujtimet e Kadri bej Cakranit, ose historia sipas një humbësi". Dita. Arkivuar nga origjinali më 22 shkurt 2020. Marrë më 10 shkurt 2020. Arkivuar 22 shkurt 2020 tek Wayback Machine
- ↑ "1948, CIA: Shqiptarët duan të emigrojnë drejt Sirisë, frikë se i dorëzojnë tek Enver Hoxha". tiranatoday.al. 9 mars 2019. Marrë më 10 shkurt 2020.