Minerva (revistë)

Një ekzemplar i numrit të 15 marsit 1933

Minerva ishte një revistë letrare e viteve 1932–1936, fillimisht e përdyjavshme dhe më pas mujore, drejtuar prej gazetarit Nebil Çika.

Vështrim

Revista Minerva mblodhi bashkëpunëtorë dhe emra të shquar të publicistikës shqiptare si Tajar Zavalani, Odise Paskali, Ikbal Çika, Stefan Shundi etj.

Sipas Blendi Fevziut, ishte revista më luksoze e jetës moderne shqiptare botuar në Tiranë, një nga më të rëndësishmet dhe me një ndikim të madh në kulturën e jetën shoqërore të kohës. Numri i saj i parë doli më 1932 dhe u botuan 38 numra deri në vitin 1936.[1]

Revista merrej kryesisht me kritikë letrare dhe recensione librash artistikë.[2]

Referime

  1. ↑ Fevziu, Blendi (1996). Histori e shtypit shqiptar 1848-1996. Brezi 22. fq. 57.
  2. ↑ Shuteriqi, Dhimitër (1971). Historia e letërsisë shqipe. Enti i teksteve dhe i mjeteve mësimore i Krahinës Socialiste Autonome të Kosovës.
Ky artikull është botuar nga Wikipedia. Teksti licencohet sipar Creative Commons Attribution-Share Alike 4.0. Mbi kartelat media mund të ketë kushte shtesë.