Reporter.al

Reporter.al është një websajt investigativ lajshmesh në gjuhën shqipe i Rrjetit Ballkanik të Gazetarisë Investigative (BIRN).^[1][2][3] Reporter.al është një media e rrallë investigative në Shqipëri,^[4] dhe është pjesë e programit të BIRN Albania 'Zbulimi i Korrupsionit në Shqipëri'.^[2]

U lançua nga BIRN më 1 shtator 2014 në Tiranë, me qëllim që t'i afrohej lexuesit shqiptar në mënyrë më të drejtpërdrejtë, pas shtatë vitesh mbulimi të ngjarjeve më të rëndësishme nga Shqipëria për Balkan Insight.^[2] Faqja publikon lajme në kohë reale, analiza të thella, opinione dhe hetime origjinale, sikurse ka të arkivuara edhe përmbajtje të mëparshme të BIRN të prodhuara në gjuhën angleze për Balkan Insight.^[3]

Deri në vitin 2019, ajo kishte publikuar më shumë se 250 raportime investigative, duke formësuar ndjeshëm diskursin publik kombëtar. Ajo përqendrohet tek korrupsioni, reforma në drejtësi, të drejtat e njeriut, krimi i organizuar dhe çështjet shoqërore në Shqipëri, duke shërbyer si një platformë lider për gazetarinë investigative të pavarur.^[3]

Reporter.al operohet nga organizata jofitimprurëse BIRN Albania dhe financohet nëpërmjet granteve nga donatorë, përfshirë Fondacionin e Shoqërisë së Hapur në Shqipëri, Fondin Kombëtar për Demokraci (National Endowment for Democracy, SHBA) dhe Fondacionin Balkan për Demokraci (Balkan Trust for Democracy).^[3][5]

Publikimi është vlerësuar me shumë çmime, përfshirë Çmimin e BE-së për Gazetari Investigative në Shqipëri, Çmimin CEI SEEMO dhe Çmimin për Lirinë e Fjalës.^{[6][7][8][9][10]}

1. ↑ birnEU (2014-10-08). "BIRN Albania Launches Reporter.al News Site". BIRN (në anglisht). Marrë më 2026-04-14.
2. 1 2 3 birnEU (2019-10-30). "BIRN Albania Marks Five-Year Anniversary of Reporter.al". BIRN (në anglisht). Marrë më 2026-04-14.
3. 1 2 3 4 "Media Directory / Reporter.al". Project Oasis Global Media Directory (në anglisht). Marrë më 2026-04-14.
4. ↑ Weber, Emil (3 janar 2018). "Albanian Journalist: "Hopefully the wheels of justice will grind fine in the end"". European Centre for Press and Media Freedom (ECPMF) (në anglishte britanike). Marrë më 2026-04-14. The journalists work for reporter.al, a Balkan Investigative Report Network's (BIRN) platform in Albanian language, which is a rare investigative media in Albania.
5. ↑ birnEU (2014-10-08). "BIRN Albania Launches Reporter.al News Site". BIRN (në anglishte amerikane). Marrë më 2026-04-14.
6. ↑ "CEI SEEMO Award for Outstanding Merits in Investigative Journalism". The Central European Initiative (CEI) (në anglisht). Marrë më 2026-04-14.
7. ↑ "BIRN Awards". Balkan Insight (në anglishte amerikane). Marrë më 2026-04-14.
8. ↑ birnEU (2019-03-25). "BIRN-Supported Journalist Wins Whistleblower Award". BIRN (në anglishte amerikane). Marrë më 2026-04-14.
9. ↑ Vrbica, Aleksandra (2024-10-04). "Journalists Who Investigated Toxic Waste Win Press Awards in Albania". BIRN (në anglishte amerikane). Marrë më 2026-04-14.
10. ↑ birnEU (2016-11-17). "BIRN Albania Journalist Wins CEI SEEMO Award". BIRN (në anglishte amerikane). Marrë më 2026-04-14.