Roland Bejko

Roland Bejko (lindur më 9 maj 1962) është politikan, pedagog dhe komentator politik shqiptar, anëtar i Partisë Demokratike të Shqipërisë dhe i Këshillit Kombëtar të PD.

Bejko është diplomuar në vitin 1991 për Gjuhë Shqipe dhe Letërsi në Universitetin e Gjirokastrës. Në periudhën 2003–2005 ka ndjekur një master në filozofi politike në Universiteti Paris 8|Universitetin Paris 8 në Francë. Gjatë viteve 2007–2008 ka qenë studenti i parë shqiptar që ka ndjekur École nationale d’administration|(ENA) në Strasburg për administrim publik.^[1]

Në vitet 2005–2007, Bejko mbajti postin e Prefektit të Beratit. Më pas ka shërbyer si këshilltar në Ministrinë e Brendshme, pranë ministrave Bujar Nishani dhe Flamur Noka.^[2]

Në periudhën 2009–2011 është emëruar Drejtor i Përgjithshëm për Hartimin e Politikave të Pushtetit Vendor dhe Integrimit Evropian në Ministrinë e Brendshme. Gjatë kësaj kohe ai përfaqësoi Shqipërinë në delegacionin e Unionit për Mesdheun dhe mori pjesë si ekspert në negociatat për liberalizimin e vizave dhe procesin e integrimit në BE.

Bejko ka përfaqësuar disa herë ministrinë e Brendshme në takime të OKB-së dhe NATO-s, ku ka mbajtur fjalime në emër të qeverisë shqiptare. Në vitin 2011 u largua nga Ministria për të punuar si pedagog në UET.

Ai ishte pjesë e grupit të punës për hartimin e ligjit nr.152/2013 “Për Nëpunësin Civil”, i cili ishte një nga kushtet për marrjen e statusit të vendit kandidat në BE. Në shkurt 2013, me propozim të Kryeministrit Sali Berisha, u emërua drejtori i parë i Shkollës së Administratës Publike, post që e mbajti deri në ardhjen në pushtet të qeverisë Rama.^[3]

Përveç angazhimit politik, Bejko ka botuar artikuj dhe opinione në shtypin shqiptar, si dhe ka marrë pjesë në debate televizive mbi çështje politike, ekonomike, gjeopolitike, reforma administrative, fiskale dhe procesin e integrimit evropian. Ai ka dhënë mësim në universitete të ndryshme shqiptare, përfshirë Gjirokastrën, Elbasanin, UET, Luarasin, Albania University dhe Universitetin e Tiranës.

Roland Bejko është ndër themeluesit e Partisë Demokratike, ku mori pjesë në mbledhjen që zgjodhi komisionin nismëtar të drejtimit të saj. Është ndër themeluesit e degës së PD-së në Gjirokastër dhe i FRPD-së, ku ka shërbyer si kryetar i degës së Gjirokastrës dhe anëtar i kryesisë. Ka qenë disa herë anëtar i Këshillit Kombëtar të PD-së, ndërsa në periudhën 2002–2005 ishte pjesë e kryesisë së PDSH, si dhe nënkryetar i PD, gjatë kohës së Bashës.^[4][5]

Bejko ka qenë disa herë kandidat për deputet në zgjedhjet parlamentare.

• Partia Demokratike e Shqipërisë