Sh.B. Logoreci
| Industria | Botime |
|---|---|
| Themeluar | 1994 |
| Themeluesi | Pjerin Logoreci |
| Shuar | 2007 |
| Selia | Tiranë, Shqipëria |
Shtëpia Botuese Logoreci (e njohur edhe si Botimet Logoreci) është një shtëpi botuese shqiptare që filloi aktivitetin e saj në vitin 1994 në Tiranë, Shqipëria. Ajo u themelua nga Pjerin Logoreci, i cili ishte edhe drejtuesi i saj i parë.
Gjatë viteve të para të veprimtarisë, në një periudhë tranzicioni politik dhe shoqëror në Shqipëri, shtëpia botuese zhvilloi një veprimtari të qëndrueshme, duke botuar një numër të konsiderueshëm veprash. Në veprimtarinë e saj morën pjesë dhe kontribuan figura të njohura në fusha të ndryshme, ndër të cilët Apostol Nasi, Alban Dani, Roland Lushi, Astrit Muça dhe Riza Bufi. Disa prej tyre ishin tashmë emra të njohur, ndërsa të tjerë u afirmuan më vonë në fushën e botimeve dhe kulturës.
Aktiviteti i Shtëpisë Botuese Logoreci vazhdoi deri në vitin 2007, kur ajo e mbylli veprimtarinë e saj, duke lënë pas një katalog të larmishëm botimesh.
Vepra të botuara
Disa nga botimet më të njohura të Logorecit përfshijnë:
- 1995 – E drejta e komuniteteve europiane – nga Fausto Pocar[1]
- 1998 – Dera e prapme e shtypit: kujtime – nga Marash Hajati (ISBN 99927-603-0-3)[2]
- 1999 – Shqipëria në kapërcimin e shekullit – nga Marash Hajati (ISBN 99927-603-4-6)
- 2000 – Transporti hekurudhor – nga Luan Babameto (ISBN 99927-664-5-X)[3]
- 2001 – Mati Logoreci: jeta dhe vepra – nga Musa Kraja (ISBN 99927-664-8-4)
- 2001 – Antologji e prozës dhe e poezisë – nga Giacomo Leopardi (ISBN 99927-746-2-2)
- 2001 – Bizanti dhe bizantinizmi – nga Romilly Jenkins (ISBN 99927-746-3-0)[4]
- 2005 – Shpella e Piratëve: roman (Botim i plotë) – nga Petro Marko (ISBN 99943-740-1-X)[5]
- 2005 – Prometeu i Lidhur – nga Eskili (ISBN 99943-780-9-0)[6]
- 2005 – Giacomo Joyce – nga James Joyce (ISBN 99943-780-6-6)
- 2007 – Në Kërkim të Zemrës së Humbur – nga William C. Chittick[7]
Aktivitete
Në vitin 2000, Shtëpia Botuese Logoreci organizoi aktivitetin me rastin e 80-vjetorit të lindjes së Artistes së Popullit Marie Logoreci, në të cilin u promovua edhe libri kushtuar jetës dhe veprimtarisë artistike të artistes. Në aktivitet morën pjesë rreth 100 personalitete të artit e kulturës shqiptare. Aktiviteti u pasqyrua në mediat shqiptare, përfshirë edhe RTSH.[8]
Shih edhe
Lidhje të jashtme
Referime
- ↑ "Bibliografia Kombëtare: e librit që botohet në Republikën e Shqipërisë (viti 1996)" (PDF). BKSH. 1998. fq. 10.
- ↑ Hajati, Marash (1998). Dera e prapme e shtypit: kujtime. Tiranë: Logoreci. ISBN 978-99927-603-0-7.
- ↑ "Bibliografia Kombëtare e librit që botohet në Republikën e Shqipërisë (viti 2000)" (PDF). BKSH. 2001. fq. 14.
- ↑ "Bibliografia Kombëtare: e librit që botohet në Republikën e Shqipërisë (viti 2003)" (PDF). BKSH. 2005. fq. 77.
- ↑ "Shpella e piratëve : roman | WorldCat.org". search.worldcat.org (në anglisht). Marrë më 2026-04-30.
- ↑ "UNESCO 2007" (PDF). BKSH. 2008. fq. 25.
- ↑ "Në kërkim të zemrës së humbur | WorldCat.org". search.worldcat.org (në anglisht). Marrë më 2026-04-30.
- ↑ "Bibliografia Kombëtare e Republikës së Shqipërisë: Artikujt e periodikut shqiptar (viti 2000)" (PDF). BKSH. 2001. fq. 97, 98.