Sofjan Jaupaj
Sofjan Jaupaj | |
|---|---|
| Ministër i Mjedisit | |
Titullar | |
| Në detyrë 19 shtator 2025 | |
| Presidenti | Bajram Begaj |
| Kryeministri | Edi Rama |
| Të dhëna vetjake | |
| U lind më | 1 shkurt 1990 (36 vjeç) Tiranë, Shqipëri |
| Nënshtetësia | Shqiptar |
| Partia politike | Partia Socialiste e Shqipërisë |
| Arsimimi | Diplomë në drejtësi, studime pasuniversitare në të drejtën e pronësisë intelektuale |
| Profesioni | Jurist, politikan |
Sofjan Jaupaj (lindur më 1 shkurt 1990) është jurist dhe politikan shqiptar. Që prej shtatorit 2025, ai shërben si Ministër i Mjedisit. Më parë ka qenë Zëvendësministër i Turizmit dhe Mjedisit.[1][2]
Jeta dhe arsimi
Jaupaj ka lindur në Tiranë, Shqipëri. Ka përfunduar studimet në drejtësi në Universiteti i Tiranës në vitin 2013. Më pas, ka kryer studime pasuniversitare në të drejtën e pronësisë intelektuale në Itali dhe Zvicër, me mbështetje nga Organizata Botërore e Pronësisë Intelektuale.[3]
Ai ka marrë pjesë në programe trajnimi në Akademinë Diplomatike të Vjenës, Kolegji i Evropës në Bruges dhe Harvard Law School, me fokus në çështjet evropiane, diplomacinë ekonomike dhe të drejtën e autorit. Gjithashtu është diplomuar në Akademinë Politike të Këshillit të Evropës.[3]
Karriera profesionale
Jaupaj ka mbajtur disa pozita në administratën publike shqiptare, përfshirë:
- Shef Kabineti i Kryenegociatorit për Integrimin në BE[3]
- Drejtor i Përgjithshëm dhe Koordinator për harmonizimin ligjor me BE-në Kryeministri, Ministrinë e Turizmit dhe Mjedisit, si dhe Ministrinë e Kulturës[3]
- Që prej vitit 2021, përfaqësues kombëtar i Shqipërisë në Fondin e Klimës së Gjelbër dhe Instrumentin Global për Mjedisin[3]
- Pedagog i jashtëm në lëndë juridike[3]
Referime
- ↑ "Sofian Jaupaj, emërohet ministër i Mjedisit". CNA.al. 11 shtator 2025. Marrë më 22 shtator 2025.
- ↑ "Ndryshime në qeveri, kë shkarkoi dhe kë emëroi kryeministri Rama". Gazeta Tema. 18 shtator 2024. Marrë më 22 shtator 2025.
- 1 2 3 4 5 6 "Sofjan Jaupaj (LL.M në Drejtësi) – Biografi profesionale" (PDF). Ministria e Turizmit dhe Mjedisit. shtator 2024. Marrë më 22 shtator 2025.