Tomorri (gazetë)

"Tomorri" gazetë e përkohëshme politike, letrare botuar nga Lef Nosi. Është gazeta e parë politike e letrare me drejtim të qartë patriotik e atdhetar. Dilte në Elbasan tre herë në muaj; numri i parë doli më 10 mars 1910 dhe vijoi deri më 13 korrik 1910. Shtypej në shtypshkronjën "Bashkimi i kombit" në Manastir[1].

Gazeta Tomorri (1910)

Programi

Programi i saj ishte çështja kombëtare, shkollat shqipe dhe mbarëvajtja e Normales.

Përmbajtja

Pasqyroi problemet themelore të kombit; autoktonia, gjuha, arsimi, kultura dhe e ardhmja. Në të u botuan kryesisht pjesë të veprave të Hahn-it, Kristoforidhit, shkrime të Luigj Gurakuqit, Aleksandër Xhuvanit, Simon Shuteriqit, Kristo Dakos etj. Vend të veçantë zinte në të shkolla Normale, korrespondencat e saj, artikuj mbi Kosovën e artikuj të natyrës shkencore[2].

Referime

  1. ↑ Cankja, Drita; Hatellari, Manola (2012). Kontributi i atdhetarëve elbasanas në shtypin e kohës. Elbasan: Rama Graf. fq. 76. ISBN 978-9928-115-15-7.
  2. ↑ Elbasani - Enciklopedi. Elbasan: Sejko. 2003. fq. 587. ISBN 99927-962-1-9.
Ky artikull është botuar nga Wikipedia. Teksti licencohet sipar Creative Commons Attribution-Share Alike 4.0. Mbi kartelat media mund të ketë kushte shtesë.