Xhamia Ebu Bekër

Xhamia Ebu Bekër (Shkoder)
Xhamia e vjetër e Fushë Çelës (1917)

Xhamia e re e Fushë Çelës,[1] e emëruar sipas sahabesë Ebu Bekër, e njohur edhe si Xhamia e Madhe, është xhamia kryesore e qytetit të Shkodrës në Shqipëri.

Xhamia është projektuar nga byroja arkitektonike ARC Architectural Consultants[2] dhe është ndërtuar në vitet 1994–1995 në vendin e xhamisë së dikurshme të Fushë Çelës me paratë e sipërmarrësit saudit Sheh Zamil Abdullah Al Zamilit.[3] Është emëruar sipas Ebu Bekrit (572–634), kalifit të parë pas profetit Muhammed. Inaugurimi i xhamisë u bë më 27 tetor 1995, ndërsa u rinovua në vitin 2008.[4]

Xhamia, që sot ndodhet në fund të pedonales dhe përballë Hotel Colosseo, ofron me hapësirën e saj rej 622.72 m2 vend të mjaftueshëm për 1,300 besimtarë. Dy minaretë janë nga 41.11 metra të larta. Kupola qendrore ka një lartësi prej 24 metrash.[5]

Xhamia e Fushë Çelës, e ndërtuar gjatë sundimit osman dhe e shkratërruar gjatë diktaturës komuniste në Shqipëri, kishte në shekujt e mëparshëm një rëndësi të madhe për Shkodrën dhe rrethinën e saj: xhamia e dikurshme ishte një nga xhamitë më të bukura të Shkodrës si dhe ndër më të vizituarat, si dhe kishte medresenë e saj.[6]

Galeria

Lidhje të jashtme

  • Sytari, Muhamed (16 prill 2015). "Fusha e Çelës, gjurma bamirëse e Çelë Zylyftarit". Zani i Naltë. Arkivuar nga origjinali më 24 prill 2021. Marrë më 24 prill 2021.

Referime

  1. ↑ Sytari, Muhamed (27 tetor 2020). "Për të mos harruar datat tona të shënuara!". myftinia-shkoder.org.{{cite web}}: Mirëmbajtja CS1: Gjendja e adresës (lidhja)
  2. ↑ "Digital Library" (në anglisht). Arkivuar nga origjinali më 19 qershor 2010. Marrë më 11 janar 2017.
  3. ↑ zur Person: Zamil Abdullah Al Zamil
  4. ↑ UDHA ISLAME Viti XIII - Nr. 11 (153), nëntor, 2015
  5. ↑ "islamshkoder". Arkivuar nga origjinali më 5 korrik 2010. Marrë më 11 janar 2017.
  6. ↑ Norris, H.T. (1993). Islam in the Balkans: religion and society between Europe and the Arab world (në anglisht). University of South Carolina Press. fq. 76. ISBN 0872499774.
Ky artikull është botuar nga Wikipedia. Teksti licencohet sipar Creative Commons Attribution-Share Alike 4.0. Mbi kartelat media mund të ketë kushte shtesë.