Xhamia me 201 kupola
| Xhamia me 201 kupola | |
|---|---|
 Pamje nga përpara lartë e xhamisë | |
| General information | |
| Affiliation | Islami Sunit |
| Height | |
| Architectural | 9.14 m (10.00 yd) |
| Tip | Minarja kryesore 137.46 m (150.33 yd), 4 minaret e këndeve të jashtme 34.44 m (37.66 yd), 4 minaret e këndeve të brendshme 28.35 m (31.00 yd) |
| Roof | 201 kupola |
| Dimensions | |
| Other dimensions | 9 minare |
| Technical details | |
| Material | Arë, bakër, gurë, mermer, gurë kristalorë etj. |
| Size | 45.11 m (49.33 yd) me 45.11 m (49.33 yd) |
| Floor count | 2 |
| Grounds | 2.01 ha (5.0 acres) |
| Design and construction | |
| Developer | Bir Muktijudda MD Rafiqul Islam Kallan Trust |
| Awards and prizes | Xhamia me më shumë kupola në botë sipas librit të rekordeve Guiness |
| Known for | Minarja më e lartë prej tullash |
Xhamia me 201 kupola është një faltore e madhe islamike e ndërtuar në fshatin e Pathalias Jugore, komuna Xhhavail e upazilës Gopalpur, distrikti i Tangailit të divizionit të Dhakës, Bangladesh.[1] Ajo është xhamia me më shumë kupola në botë, gjithashtu ka kupolën më të madhe dhe minaren e dytë më të madhe në botë prej tullash.[2] Ajo ka 201 kupola dhe 9 minare.
Ndërtimi dhe dizajni
Ndërtimi i xhamisë dy-katëshe filloi në vitin 2013, në një sipërfaqe prej 2.01 ha (5.0 acres)[3] në bregun lindor të lumit Xhhenai në fshatin Pathalia Jugore, komuna Nagda Simla e upazilës Gopalpur, distrikti i Tangailit të Bangladeshit. Trusti Islamik i Mirëqenies Mohamad Rafikul, hero i Luftës për Lirinë e Bangladeshit, nëna e të cilit vendosi gurin e themelit të xhamisë.[4] Vlerësohet se kostoja e ndërtimit të saj është 12.3 milionë $dollarë (1 miliardë ৳taka bangladeshi).[5]
Xhamia ka 9 minare, katër minaret e mëdha në këndet e saj të jashtme janë 34.44 m (37.66 yd) të larta që nga toka, dhe 25.3 m (27.7 yd)[6] që nga taraca e saj. Katër minaret më të vogla janë në këndet e taracës së kupolës qëndrore janë 28.35 m (31.00 yd) të larta nga toka dhe 19.20 m (21.00 yd) të larta mbi taracën e saj.[7] Kupola qëndrore është 29 m (32 yd) e lartë nga toka dhe 19.81 m (21.66 yd) e lartë nga taraca e xhamisë dhe ka një perimetër prej 38.71 m (42.33 yd). Ajo është e rrethuar nga 200 kupola më të vogla 14.54 m (15.90 yd) të larta që nga toka dhe 5.4 m (5.9 yd) të larta nga taraca e xhamisë[8] dhe një perimetër prej 6.1 m (6.7 yd) secila. Në anën jugperëndimor ndodhet një minare 137.46 m (150.33 yd) e lartë. Ajo është minarja më e lartë në Bangladesh dhe minarja e dytë më e lartë në botë prej tullash. Para saj, minarja më e lartë prej tullash ishte Minarja Kutub në Delhi, 73 m (80 yd) e lartë. Ndërsa minarja më e lartë në botë është minarja e Xhamisë së Hasanit në Kazablanka të Marokut, me një lartësi prej 200 m (220 yd), por jo prej tullash.[2]
Xhamia në formë katrore ka kapacitetin për të bujtur rreth 15 000 besimtarë.[3] Ajo është 45.11 m (49.33 yd) e gjatë dhe 45.11 m (49.33 yd) e gjerë. Kompleksi ka dy helipadë, në mënyrë që të ulen të ftuarit e rëndësishëm me helikopter. Çdo kupolë është dekoruar me punime bakri te të cilat është skalitur emri "Allah". Dera kryesore është ndërtuar prej 200 kilograms (440 lb) bakër në të cilën janë shkruar 99 emrat e "Allahut”. Përkrahë mihrabit është shkruar "S'ka Zot tjetër veç Allahut dhe Muhamedi është i dërguari i tij" me 25 kilograms (55 lb) arë.[2]
Pllakat e murit perëndimor të xhamisë përmbajnë të shkruar, të gjithë Kuranin. Përkrahë mihrabit ndodhet dhoma frigoriferike për të mbajtur xhenazet. Mjedisi i brendshëm është plotësisht i kondicionuar. Përveç xhamisë, kompleksi bujt ndërtesa 5-katëshe në anën veriore dhe jugore. Aty është vendosur një jetimore, një azil të moshuarish, një spital me trajtime falas, etj.[5]
Galeri Pamjesh |
|---|
|
|
.jpg)
Shiko gjithashtu
- Xhamia e Atias
- Xhamia e Aurangzebit
- Xhamia e Bibi Marjamit
- Mazari dhe Xhamia e Haxhi Baba Saleh
- Xhamia Sat Gambuxh
- Xhamia e Kartalab Khanit
- Xhamia e Khan Mohamad Mridhas
- Xhamia e Musa Khanit në Dhaka
- Husaini Dalani
- Xhamia e Binat Bibit
- Xhamia e Shahbaz Khanit
- Dhanmondi Shahi Eidgah
- Azimpur Dajera Sharif Khankah
- Xhamia Allakuri në Dhaka
- Zamindar Bari i Baishrashit
- Arkitektura e Bengalit
- Islami në Bangladesh
- Lista e xhamive në divizionin e Dhakës
- Lista e monumenteve të rëndësishme në divizionin e Dhakës
- Lista e vendeve arkeologjike në divizionin e Dhakës
Referime
- ↑ Lua error te Moduli:Citation/CS1 te rreshti 1763: attempt to index field '?' (a nil value).
- 1 2 3 "201 Domes Mosque". 201 Gombuj Masjid (në anglisht). Arkivuar nga origjinali më 12 janar 2018. Marrë më 9 shkurt 2018.
- 1 2 Lua error te Moduli:Citation/CS1 te rreshti 1763: attempt to index field '?' (a nil value).
- ↑ Lua error te Moduli:Citation/CS1 te rreshti 1763: attempt to index field '?' (a nil value).
- 1 2 Lua error te Moduli:Citation/CS1 te rreshti 1763: attempt to index field '?' (a nil value).
- ↑ Lua error te Moduli:Citation/CS1 te rreshti 1763: attempt to index field '?' (a nil value).
- ↑ Lua error te Moduli:Citation/CS1 te rreshti 1763: attempt to index field '?' (a nil value).
- ↑ Lua error te Moduli:Citation/CS1 te rreshti 1763: attempt to index field '?' (a nil value).
Lidhje të jashtme
Wikimedia Commons ka materiale multimediale në lidhje me Xhamia me 201 kupola.- Arkivuar 26 tetor 2020 tek Wayback Machine