Ayent
| Ayent | |
|---|---|
 | |
| Basisdate | |
| Staat: | Schwiiz |
| Kanton: | Wallis (VS) |
| Bezirk: | Ering |
| BFS-Nr.: | 6082 |
| Poschtleitzahl: | 1966 |
| Koordinate: | 597513 / 125151 |
| Höchi: | 967 m ü. M. |
| Flächi: | 55.0 km² |
| Iiwohner: | 4247 (31. Dezämber 2022)[1] |
| Website: | www.ayent.ch |
 Anzère, i dr Gmeind Ayent | |
| Charte | |
 | |
| Dialäkt: Wallisertitsch |
Ayent (fp. [ɛ̃n aɛ̃]) isch en Munizipaalgmei im Bizirk Ering im Kanton Wallis, Schwiz.
Geografii
Zer Gmei Ayent gcheerunt di Deerfer Botyre, Luc, Saxonne, La Place, Blignou, Fortunau, Saint-Romain, Signèse, Villa, Argnou und Anzère.
Di Gmei gcheert als einzigi Gmei vaner rächt Sita vam Rhonetaal zum Bizirk Ering, wa suschter nummu Gmeinde süüdlich vam Rottu im Eringertaal derzüe gcheerunt.
Im Noordu geit ds Gmeigibiet bis uf ds Wildhooru emüf. Im Taal vaner Lienne isch dr See Lac de Tseuzier; das isch en Stausee, wa sit 1956 ds Wasser fer ds Chraftwäärch bi Saint-Léonard sammlut. Üser Lienne löift sit Jaarhunnertu Wasser in d Süona va Ayent, in d Süona va Sitte und ini Bisse de Clavoz zum Biwässru vanu Fäälder und Räbbäärga. Dur ds Taal vaner Lienne fiert der Füesswäg zum Rawilpass.
D Naachpürgmeinde va Ayent sind di Bäärner Gmeinde Lengg und Lauenu und d Walliser Gmeinde Icogne, Saint-Léonard, Sitte, Grimisuat, Arbaz und Savièse.
Gschicht
Ayent isch zum eerschtu Mal im Jaar 1052 als Agent (1250 als Argenta) erwäänts cho.
Iwoner
Quälla: Bundesamt fer Statistik 2005[2]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iwoner | 1099 | 1120 | 1164 | 1242 | 1319 | 1450 | 1545 | 1746 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iwoner | 2027 | 2247 | 2289 | 2402 | 2722 | 2581 | 2759 | 3001 |
Dr Üsländeraateil isch 2010 bi 10,9 % glägu.[3]
Religioo
86,4 % vanu Iwoner sind im Jaar 2000 römisch-katholisch gsi, 4,9 % evangelisch-reformiert.[3]
Politik
Dr Gmeipresidänt va Ayent isch dr Marco Aymon (Stand Oktoober 2017).
Spraach und Dialäkt
Bi dr Volchszellig 2000 heint vanu 3001 Iwoner 93,6 % Französisch als Höiptspraach agigä, 2,8 % Titsch, 0,5 % Italienisch und 3,1 % annri Spraache.[3]
Dr tradizionell Dialäkt va Ayent gcheert zum Frankoprovenzalischu.
Architektuur
- di Kapälla vaner Maria Magdalena z Argnou
- di Martinskapälla z Botyre
- d Chircha vam Heiligu Roman z Saint-Romain
Turismus
Ufer Alpa Anzère isch es groossus Feeriudoorf für du Wintersport entstannu.
Lit
- Christian Constantin (* 1957), Unnernämer, Architekt, Sportfunkzionäär
Weblink
- Website vo dr Gmeind Ayent
- Danielle Allet-Zwissig: Ayent. In: Historisches Lexikon vo dr Schwiiz.
Füessnoote
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- 1 2 3 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012