Bussy-Lettrée

Bussy-Lettrée
Region	Grand Est
Département	Marne
Arrondissement	Châlons-en-Champagne
Kanton	Châlons-en-Champagne-3
Kommünàlverbànd	Châlons-en-Champagne
Koordinàte	48° 48′ N, 4° 16′ O48.8055555555564.2611111111111
Heche	122–177 m
Flech	33,48 km2
Iiwohner	320 (1. Jänner 2020)
Bevelkerungsdicht	10 Iiw./km2
Code Postal	51320
INSEE-Code	51099

Bussy-Lettrée [bysi lɛtʁe] ìsch a frànzeescha G’mainda mìt 320 Iiwoohner (Schtànd: 1. Januar 2020) ìm Département Marne ìn dr Regioon Grand Est (vor 2016 ìn dr Regioon Champagne-Ardenne). Sa g’heert zem Arrondissement Châlons-en-Champagne un zem Kàntoon Châlons-en-Champagne-3.

Ìm Làuif vu dr G’schìcht hàt sìch dr Dorfnàmma-n-asoo uff Làtiinisch un Àltfrànzeesch, schpeeter uff Frànzeesch äntwìckelt:^[1]

Waahrend dr Frànzeescha Revolüzioon hàt m’r ànna 1793 dr G’maindanàmma offiziälla Bussy-l’Étrée g’schrììwa.^[2]

Dr Wort Bussy schtàmmt vum làtiinischa Nàmma Bucius,^[3] wo salbscht vum làtiinischa Wort buxus mìt dr Noohsìlwa -utum kummt.^[4]

Mìt’m Wort Lettrée (Buissy de lez Lestrée, Bussy lez l’Estrée ànna 1383) nännt m’r a Ort, wu zallamols a reemischa Schtrooss gsìì ìsch. D’ Schriiwung estrée fìndet m’r vor àllem ìn Nordfrànkrììch.^[5]

D’ Dorfbewoohner vu Bussy-Lettrée nännt m’r Busséins [byseɛ̃] (fìr d’ Manner) un Busséines [bysein] (fìr d’ Fràuija) uff Frànzeesch. M’r kààt àui sììe Buséens [byzeɛ̃] (fìr d’ Manner) un Buséennes [byzeɛn] (fìr d’ Fràuija) nänna.^[6]

Bussy-Lettrée lììgt äbba 17 Kilomeeter süüd-süüdwäschtlig vu Châlons-en-Champagne ìm Tààl vum Fluss Soude. Umgaa wìrd Bussy-Lettrée vu da Noochberg’mainda Soudron ìm Norda un Wächta, Vatry ìm Norda, Breuvery-sur-Coole ìm Norda un Nordoschta, Saint-Quentin-sur-Coole ìm Nordoschta, Cernon ìm Oschta un Nordoschta, Dommartin-Lettrée ìm Oschta un Süüdoschta, Sommesous ìm Süüda, Haussimont ìm Süüda un Süüdwäschta so wia Vassimont-et-Chapelaine ìm Süüdwäschta.^[7]

Dur d’ G’mainda fiahrt d’ Otoschtrooss A26.^[7]

• d’ reemisch-kàthoolischa Schtefàànskìrìch üss’m 12. un 13. Joohrhundert, wo zitter zitter 1949 bii da Histoorischa Dankmooler klàssifiziart ìsch, wo-n-a nàzionààla Bediitung hann.^[8] Ìn dr Kìrìch sìnn dräi Kunschtwark je àls Ainzelobjakta bii da Histoorischa Dankmooler iig’schtuuft, wo-n-a regionààla Bediitung hann: dr Holzretààwel vum Sebàschtiàànsàltààr (üss’m 18. Joohrhundert) mìt siinera Schtàtüüta,^[9] d’ fàrwiga Holzschtàtüüta vum Johànnis dr Daifer üss’m 16. Joohrhundert^[10] d’ fàrwiga Holzschtàtüüta vum hl. Vinzanz üss’m 16. Joohrhundert,^[11] zwai Holzschtàtüüta vu dr Màdonna mìt’m Jesüskìnd üss’m 15. un em 16. Joohrhundert,^[12][13] a Holzschtàtüüta vum hl. Schtefààn üss’m 17. Joohrhundert,^[14] a fàrwiga Holzschtàtüüta vum hl. Sebàschtiààn üss’m 16. Joohrhundert,^[15] dr schtainiga Krìschtiliidaretààwel üss’m 16. Joohrhundert, wo fàrwig g’fàsst ìsch.^[16] Üsserdam sìnn a Hüüfa Kìrchafanschter eewafàlls bii da Histoorischa Dankmooler iitrajt, wo-n-a nàzionààla Bediitung hann.^{[17][18][19][20][21][22][23]}
• s’ Kriagerdankmool, fìr d’ Soldààta üss’m Dorf eehra, wo ìm Äärschta Waltkriag g’schtoorwa sìnn

• 
  wia dr Hàuiptschìff un dr Choor ànna 1914 gsìì ìsch

• Geert Verbrugghe: Bussy-Lettrée (Marne) : le Mont des Maisses. In: Mémoires de la société d’agriculture, commerce, sciences et arts du département de la Marne. Band 110 (französisch). 

• d’ Lischta vu da G’mainda ìm Département Marne

 Commons: Bussy-Lettrée – Sammlig vo Multimediadateie

• Schtàtistik züa dr G’mainda Bussy-Lettrée biim INSEE (frànzeesch)
• Informàzioona züa dr G’mainda Bussy-Lettrée ìn dr Dààtabànk vu dr LdH/EHESS/Cassini (frànzeesch)
• Schtàtistischa Dààta züa dr G’mainda Bussy-Lettrée, wo düü kààsch ufflààda bii data.gouv.fr (frànzeesch)