Emmanuelle Antille

D Emmanuelle Antille (* 27. Mai 1972 z Lausanne) isch e Schwyzer Reschiseeri un Videochinschtleri.[1]

Lääbe

D Emmanuelle Antille het vu 1991 bis 1996 an dr École supérieure d'art visuel z Gämf studiert un druf vu 1997 bis 1998 an dr Rijksakademie van beeldende kunsten z Amsterdam. Si isch Filmreschiseeri, Videochinschtleri un Fotograafi. Si schrybt Draaibiecher un Täxt iber iri Aarbete.[2] Vu 2008 bis 2021 isch d Antille Brofässeri an dr Geneva University of Art and Design z Gämf gsii.

Mit dr Video-Inschtallazioon Angels Camp het d Antille 2003 dr Schwyzer Pavillon uf dr Biennale di Venezia 2003 z Venedig gstaltet.[3] Anne 2012 het si dr Spiilfilm Avanti mit dr Hanna Schygulla, dr Nina Meurisse un dr Miou-Miou drillt, 2018 dr Dokumäntaarfilm A Bright Light – Karen And The Process iber d Sängeri Karen Dalton, wu 2020 bim Festival Dock of the Bay z San Sebastián dr Bryys fir dr bescht Musikdokumäntaarfilm iiberchuu het. The Wonder Way vu 2023 isch ire zweet Dokumäntaarfilm. Är isch z Nyon uf em Visions du Réel mit em Speziaalbryys vu dr Jury uuszaichnet[4] un 2024 uf de Soledurner Filmdääg zaigt woore.

Film

  • 2003: Angels Camp – 80’ – Fikzioon
  • 2005: Rollow – 103’ – Fikzioon
  • 2012: Avanti – 85’ – Fikzioon[5]
  • 2018: A Bright Light – Karen and the Process – 94’ – Dokumäntazioon
  • 2023: The Wonder Way – Dokumäntazioon

Uusglääseni Uuszaichnige

  • 1999 un 2000: Aidgnessische Bryys fir freii Chunscht
  • 2000 un 2001: Kiefer Hablitzel Stipändium
  • 2001: Aidgnessische Bryys fir Chunscht
  • 2001: Atelier vu dr Schwyzerische Aidgnosseschaft
  • 2005: Fondation vaudoise pour la culture
  • 2012: Prix Découverte pour le Premier Film, Film Festival Namur, Belgie
  • 2013: Ateliers d'artistes en Valais
  • 2020: Best Musical Documentary, Dock of The Bay Film Festival, San Sebastiàn
  • 2024: Bourse arts plastiques du Canton de Vaud[6]

Schrifte

  • Angels Camp: First Songs: Four Short Stories Based on the Angels Camp Screenplay, 1. September 2003, Artimo Foundation Breda; Bilingual Edition, ISBN 978-9-0753-8064-4
  • KD – Karen Dalton, 1. Oktober 2021, Presses du Reel, ISBN 978-2-8399-3324-7

Fueßnote

  1. ↑ renouvaud.patrinum. Kantons- und Universitätsbibliothek Lausanne, abgruefen am 18. Januar 2025 (änglisch).
  2. ↑ Emmanuelle Antille. SiteGallery, 2004, abgruefen am 18. Januar 2025 (änglisch).
  3. ↑ Antille, Emmanuelle, réalisatrice, 1972-. Kantoons- un Uniwersiteetsbiblioteek Lausanne, abgruefen am 18. Januar 2025 (französisch).
  4. ↑ The Wonder Way. Abgruefen am 18. Januar 2025 (französisch).
  5. ↑ Sandrine Marques: « Avanti »:l’échappée belle de Léa et Suzanne. Le Monde, 22. April 2014, abgruefen am 18. Januar 2025 (französisch).
  6. ↑ Emmanuelle Antille. Sikart, abgruefen am 18. Januar 2025.
Dä Artikel basiert uff ere fräie Übersetzig vu dere Version vum Artikel „Emmanuelle_Antille“ vu de dütsche Wikipedia. E Liste vu de Autore un Versione isch do z finde.
This article is issued from Wikipedia. The text is available under Creative Commons Attribution-Share Alike 4.0 unless otherwise noted. Additional terms may apply for the media files.