Erich Roth

Dr Erich Ernst Roth (* 1905 z Chaarlsrue; † 2001 z Offeburg) isch e dytsche Theolog un Autor gsii.

Lääbe

Dr Roth isch us ere alte badische Beamtefamilie chuu. Är isch z Charlsrue uf s Goethegimnasium gange un het noch em Abitur z Dibenga, z Berlin un z Haidelberch Theologi studiert. Anne 1931 isch er z Haidelberch bim Johannes Bauer mit dr Dissertation „Die Stilmittel im Kirchenlied des Pietismus: eine literarkritische Studie des Kirchenliedes in 17. und 18. Jahrhundert“ bromewiert wore.

1931 bis 1932 isch dr Roth Vikar in dr Evangelische Chilche Neckarhausen gsii, wun er dr Böu vun eme neie Chilchegebei firschi dribe het.[1] 1932 isch er uf Charlsrue retuur gange un isch Vikar in dert dertige Johannisgmai wore. Ab 1934 het er as Bfaarer z Schönau im Odewald, ab 1938 z Diersheim un 1950 bis 1957 z Lohr (Chrischtus-Chilche)[2] gschafft un isch druf Chrankehuusseelsorger z Mannheim wore. Dernäbe het er an Chranke- un Altebfläägschuele as Dozänt fir Ethik, Psychologi un Soziologi gleert.

Näbe syre Arbet het er theologischi Schrifte uusegee un au sälber verfasst, derzue au literarischi Sache, unter anderem Verzellige un Laiespiil.

Im Ruestand het er z Offeburg gwohnt.

Uusglääseni Wäärch

  • Die Stilmittel im Kirchenlied des Pietsmus: eine literarkritische Studie des Kirchenliedes in 17. und 18. Jahrhundert. Evangelischer Verlag, Heidelberg 1932, 37 S.; zugl. Heidelberg, Univ., Diss., 1931
  • Der Glockengießer von Heiligenhall. Ein Weihespiel. Selbstverlag, Lahr/Schwarzwald 1956. 24 S.
  • Vorhang. Der wallende Erzählungen. Verlag Moritz Schauenburg, Lahr/Schwarzwald 1978. 204 S. (Silberdistel-Reihe 135) ISBN 978-3-7946-0155-4
  • Karlsruher Geschichten. Kalche und Malche. von Loeper, Karlsruhe 1987. 123 S.
  • Ein badischer Theologe. Geheimrat Prof. D. Johannes Bauer. In: Evangelische Kirchenzeitung für Baden. Aufbruch, Karlsruhe 1982–1991. 21. 1985, 37. S. 10. ISSN 0722-625X
  • Die Galavorstellung. Erinnerung eines Karlsruhers an den Fronleichnamstag 22. Juni 1916. In: Badische Heimat. Mein Heimatland. Zeitschrift für Landes- und Volkskunde, Natur-, Umwelt- und Denkmalschutz. Rombach, Freiburg, Br. / Braun, Karlsruhe. Bd. 72 (1992), 2, S. 281–285. ISSN 0930-7001

Literatur

  • Biografischi Aagabe uf em Schutzumschlag vu Der wallende Vorhang Verlag Moritz Schauenburg, Lahr/Schwarzwald 1978

Fueßnote

  1. ↑ Evangelische Kirche Neckarhausen: Eine Festschrift zum Jubiläumsjahr 2009.
  2. ↑ LkA KA, 044. Lahr Christus
This article is issued from Wikipedia. The text is available under Creative Commons Attribution-Share Alike 4.0 unless otherwise noted. Additional terms may apply for the media files.