Fontenais
| Fontenais | |
|---|---|
 | |
| Basisdate | |
| Staat: | Schwiiz |
| Kanton: | Jura (JU) |
| Bezirk: | Pruntrut |
| BFS-Nr.: | 6790 |
| Poschtleitzahl: | 2902 Fontenais 2903 Villars-sur-Fontenais 2904 Bressaucourt |
| Koordinate: | 572973 / 250434 |
| Höchi: | 458 m ü. M. |
| Flächi: | 10.48 km² |
| Iiwohner: | 1632 (31. Dezämber 2024)[1] |
| Website: | www.fontenais.ch |
| Charte | |
 | |
Fontenais isch e politeschi Gmeind im Schwiizer Kanton Jura, wo zum Bezirk Pruntrut ghört.
Geographii
Fontenais ligt im Elsgau, wo uf französisch Ajoie heisst. Zum Gmeindspiet ghöred d Dörfer Fontenais, Villars-sur-Fontenais und Bressaucourt. Nochbergmeinde sind uf Schwizer Site Haute-Ajoie, Courtedoux, Pruntrut, Courgenay und Clos du Doubs. Über e Col de Montvoie, wo 858 m höch isch, chunnt mer äne am schwiz-französische Zoll uf Montancy im Département Doubs und witer an Doubs abe.
Gschicht
Fontenais isch im 1271i zämme mim gsammte Elsgau in de Bsitz vom Fürschtbistum Basel cho. In de Johr 1793i bis 1815i het d Gmeind zu Frankriich ghört, zerscht zum Département du Mont-Terrible, dann ab em 1800i zum Département Haut-Rhin, em Oberelsass. De Wiener Kongress het im 1815 entschide, dass de Ort mit em ganze Elsgau zu Bärn chunnt. Sit de Gründig vom Kanton Jura uf de 1. Jänner 1979 ghört d Gmeind zu dem Kanton. Sit 2013 ghört au di ehmolig Gmeind Bressaucourt zu Fontenais.
Weblink
- d Website vo de Gmeind Fontenais (franz.)
- Dominique Prongué: Fontenais. In: Historisches Lexikon vo dr Schwiiz.
Fuessnote
- ↑ Bilanz der ständigen Wohnbevölkerung nach Bezirken und Gemeinden, 1991–2024. In: bfs.admin.ch. Bundesamt für Statistik, abgruefen am 28. August 2025 (bei späteren Gemeindefusionen Einwohnerzahlen aufgrund Stand 2024 zusammengefasst).