Fritz Holder
Dor Fritz Holder (* 7. April 1932 enn Dibenga; † 6. September 1996) isch a deitscher Journalist ond schwäbischer Dialektdichter gwäa.
Läaba
Er isch am 7. April 1932 enn Dibenga uff d Wäld komma ond dord enn dor Bachgass uffgwaggsa. Är isch uffs „Raupegymnasium“ (Uhland- und Silcherschule) ganga. Glärnd hådd-or dor Beruf vom-a Schrifdsetzor. Ănna 1959 isch-or als Volontär zom Schwäbischen Tagblatt gwäggsled ond dord nå Redakteer wårda. Zuasdendich isch-or fir dor Lokaldåel Raodaburg gwäa.
Dor Holder hådd eddliche Liador ond Chansons gschriiba, vo saem Sõ Christian Holder efdors uffgfiird, ond a baar Heersbill firs Radio. Saene Biachla „Raupeviertel“ ond „Gôgenmusik“ zaeged a guad formulirds Zendralschwäbisch, wia-s d aldaegsässene Leid en Dibenga gschwäzzd hend, ond zomm Dåel haed noo schwäzzed. Saene Biachla send älle emm Vorlag vom Schwäbischen Tagblatt enn Dibenga rausgaä wårda.
Sonschdichs
Dor Vaddor vomm Fritz Holder, dor Christian Holder, hådd denn schwäbischa Dichter enn dor Schual Matthias Koch als Lärer gheed.[1]
Biachor
- Raupeviertel, Räse Verse aus der Tübinger Altstadt. Tübingen 1990
- Gôgenmusik. Neue räse Verse aus der Tübinger Altstadt. Tübingen 1992
- Geliebtes Pflaster. Tübingen o. J.
- Das kurze Jahr. Monatsgeschichten., Tübingen 1994
Weblink
- Fritz Holder uf tuepedia.de
- Raupen, Holder, Hölderlin uf reklamekasper.de
Fueßnote
- ↑ Fritz Holder, Geliebtes Pflaster,S. 28f.