Georg Hettich

Dr Georg Hettich (* 12. Oktober 1978 en Furtwange) isch an deitscher ehmoliger Sportloar, wo en dr Nordischa Kombinatioh en Turin 2006 Olympiasieger worra isch.

Als Jugendlicher hoadr s Schienternat en Furtwanga bsuacht on dort sai Abitur gmacht. Denoach ischr zwoi Johr bei dr Sportferdrgrupp vo dr Bundeswehr en Todtnau-Fahl gwä. Er hot en Schonach em Schwarzwald gwohnt ond isch fir da SV Schonach-Rohardsberg gstartet. Er hot Medical Engineering an dr Hochschual Furtwange (Außestell Villinge-Schwenninge) studiert ond no in Sportmotorik am Inschtitut fir Sport ond Sportwisseschaft vo dr Albert-Ludwigs-Universität Freiburg mit ra Arbet zum Thema Gleichgwichtskontroll promoviert.^[1][2] Heid schaffd er beim Prothesehersteller Aesculap.^[3] Er lebt mit seira Frau Birgit ond zwoi Sihn z Freiburg.^[4]

Dr Schorsch Hettich hoat bei de Olympische Winterspiel em Joahr 2002 en Salt Lake City, bei dr WM 2003 en Val di Fiemme on bei dr WM 2005 z Oberschtorf em Allgai mit dr Mannschaft je a Silbermedallje gwonna.

Bei de Olympische Winterspiel 2006 en Pragellato bei Turin hoadr em Gundersen-Wettbewärb (2 Sprüng uff dr kloina Schanz on 15 km Langlauf) zonächst des Sprenga gwonna, isch deswäg mit dr Startnommer Oins en d Loipe gschtardet on isch au als Erschtr ond damit Wettkampf-Siager ens Zial komma. Des isch dr greßte Erfolg in sainra Laufbah als Sportloar.

Im März 2010 ischr vom Spoart zriggdrette.

• Georg Hettich in dr Datebank vum Internationale Skiverband FIS (änglisch)

1. ↑ Harald Linder: Georg Hettich, in: Der Sonntag (Karlsruhe), 3. Februar 2019, S. 3.
2. ↑ Mitarbeiterseite von Georg Hettich am Institut für Sport und Sportwissenschaft Uni Freiburg (Memento vom 18. Septämber 2011 im Internet Archive)
3. ↑ Harald Linder: Georg Hettich, in: Der Sonntag (Karlsruhe), 3. Februar 2019, S. 3.
4. ↑ Harald Linder: Georg Hettich, in: Der Sonntag (Karlsruhe), 3. Februar 2019, S. 3.