Hazel Brugger

d Hazel Brugger (Juni 2015)

D Allison Hazel Brugger (* 9. Dezämber 1993 z San Diego, Kalifornie) isch e Schwyzer Slam-Poeti, Kabarettischtin un Moderatori.

Lääbe

D Hazel Brugger isch as Dochter vun ere dytsche Mueter un em Schwyzer Neuropsicholog Peter Brugger[1] z San Diego, Kalifornie, uf d Wält chuu. Si isch z Tielschtoorf im Kanton Züri ufgwachse. D Matura het si z Büüli gmacht[2] un derno an dr Universitet Züri Philosophy un Literatur studiert.[3] Mit 17ni het si ihri Karriere uf ere Poetry-Slam-Bihni z Winterthur aagfange. Im Summer 2014 isch si in dr Verainigte Staaten uf e Schuel fir Improvisationstheater gange.

Beruef

D Brugger isch Kolumnischti fir d Zytschrift Das Magazin[4] un isch vu 2013 bis 2014 Kolumnischti fir Hochparterre un au fir d TagesWoche gsi.[5][6] Si moderiert dr Live-Talk «Hazel Brugger Show an Tell» im Zürcher Theater Neumarkt.[7]

Am 19. Oktober 2013 het d Brugger dr Schwyzer-Maischter-Titel im Poetry-Slam bi dr vierte Poetry-Slam-Maischterschafte gwunne.[8]

Im Novämber 2015 het ihre erscht Kabarettprogramm «Hazel Brugger passiert» aagfange.[2]

Syt 2016 isch si «Ussereporteri» in dr heute-show vum ZDF.[9] Am 26. April 2016 isch si zum erschte Mol as Gascht-Kabarettischti in dr ZDF-Satiresändig Die Anstalt ufdrätte.[10] 2017 si si as bishär jigschti Bryysdreegeri dr renommiert Kabarett-Bryys Salzburger Stier gwunne.[11]

Syter 2016 läbt d Brugger z Köln.[12][13]

Biecher

  • Ich bin so hübsch, Kein & Aber, Zürich 2016, ISBN 978-3-0369-5936-8

Uuszaichnige

  • 2016: «Schweizer Kolumnistin des Jahres» bi dr Online-Umfrog unter 1400 Schwyzer Journalischte vum Branchemagazin Schweizer Journalist
  • 2017: Dytsche Chlaichunschtbryys (Ferderbryys vu dr Stadt Mainz)
  • 2017: Salzburger Stier
  • 2017: Bairische Kabarettbryys (Sänkrächtstarter-Bryys)
 Commons: Hazel Brugger – Sammlig vo Multimediadateie

Fueßnote

  1. ↑ «Versuchen Sie mal, sich selbst zu kitzeln», Artikel der TagesWoche vom 22. Mai 2014
  2. 1 2 «Ich habe eine kindliche Seite», Artikel in dr Zentralschweiz am Sonntag vum 22. Novämber 2015
  3. ↑ Slam-Poetin Hazel Brugger – «Jede Form von Humor ist aggressiv», Neue Zürcher Zeitung, 2. Septämber 2014
  4. ↑ Hazel Brugger uf dr Websyte vu Das Magazin, abgruefen am 22. Novämber 2015
  5. ↑ Out und Erbaut, Kolumne vu dr Hazel Brugger in dr Zytschrift Hochparterre, abgruefen am 22. Novämber 2015
  6. ↑ Hazel Brugger Archivlink (Memento vom 5. März 2016 im Internet Archive) auf der Website der TagesWoche, abgruefen am 22. Novämber 2015
  7. ↑ «Hazel Brugger Show an Tell» (Memento vom 15. April 2017 im Internet Archive), Theater Neumarkt, abgruefen am 22. Novämber 2015
  8. ↑ The Flying Stoll und eine unschlagbare Brugger, Saiten – Ostschweizer Kulturmagazin, 20. Oktober 2013
  9. ↑ IMDb-Yydrag vu dr Heute Show
  10. ↑ Kabarett News 04/2016: Die Gäste der ZDF Satiresendung «Die Anstalt» vom 26.04. In: www.kabarett-news.de. Abgruefen am 20. April 2016.
  11. ↑ orf.at - Hosea Ratschiller erhält Salzburger Stier. Artikel vum 1. Dezämber 2016.
  12. ↑ Christian Möller: Hazel Brugger Durch die Gegend, Folge 25 (Interview, 2017)
  13. ↑ David Hugendick: Komik als Kampftechnik. In: Die Zeit. 14. September 2017, abgruefen am 30. Oktober 2018.
Dä Artikel basiert uff ere fräie Übersetzig vu dere Version vum Artikel „Hazel_Brugger“ vu de dütsche Wikipedia. E Liste vu de Autore un Versione isch do z finde.
This article is issued from Wikipedia. The text is available under Creative Commons Attribution-Share Alike 4.0 unless otherwise noted. Additional terms may apply for the media files.