Jacques Rapin

Dr Jacques Marcel Rapin [ʒak maʁsɛl ʁapɛ̃] (* 28. Oktoower 1889 z’ Pàriis; † 1. Dezamber 1953 z’ Bourg-la-Reine bii Pàriis) ìsch a frànzeescher Bàuiplàànzaichner gsìì. Ar hàt àm Wììderuffbàui vu dr Schtàdt Reims nooh-n-em Äärschta Waltkriag mìtg’màcht.

Dr Jacques Rapin ìsch ànna 1889 ìn dr frànzeescha Hàuiptschtàdt Pàriis uff d’ Walt kumma. Ar ìsch dr Suhn vum Mooler Alexandre Rapin un vu dr Marie Winter gsìì. Ar ìsch dr jìngera Brüader vum Mooler un Ìnna-n-üssschtàtter Henri Rapin gsìì. Ar hàt àn dr Nàzionààla Hoochschüal fìr Scheena Kunscht z’ Pàriis g’schtüdiart un ìsch doo Schialer vum Gabriel Héraud gsìì. Ìm Äärschta Waltkriag ìsch’r Jààgdfliager gsìì — sii Flugschiin hàt’r àn dr Militäärfliagerschüal z’ Avord (Cher) àm 21. Jüüli 1915 b’schtànda. Ar ìsch bii’ra Luftschlàcht àm 23. Septamber 1916 dur Kuugelschplìtter àm Bai verlätzt worra.^[1] Fìr sii Mìtmàcha-n-àm Kriag hàt’na d’ frànzeescha Regiarung mìt’m Kriagskriiz 1914/18 üsszaichnet.

Dr Rapin hàt sìch ànna 1920 zamma mìt siinera Eehafràui Suzanne Piquart z’ Reims nììderg’loo — mìt ìhra hàt’r schpeeter a Suhn nàmmens Marcel g’hàà. Ar ìsch Vorsìtzender vum Aéroclub de Champagne worra un hàt àui zamma mìt’m Émile Maigrot àn d’ Bewarkschtälligung vum Duuramàrschiara „Reims Magnifique“ àm 6. Jüüni 1926 tailg’numma, fìr dr 100.000 Iiwoohner ìn dr Schtàdt willkumma haissa. Ar hàt schpeeter s’ Àrkitäcktbüroo vum Schwììgervàtter Henri Picquart ìwwernumma, wo grààd nooh-n-em Äärschta Waltkriag grìnda worra-n-ìsch. Ìm Làuif vu siinera Kàrriar ìsch’r àm 6. Jüüli 1919 Rìtter un àm 28. Dezamber 1934 Offiziar vu dr Eehralegioon worra.

Dr Rapin ìsch ànna 1953 z’ Bourg-la-Reine g’schtoorwa.

• dr Schwìmmbààd vum Tennis-Club àm 15–17 Rue Lagrive z’ Reims
• s’ Gebäj vum Automobile Club àm 3 Boulevard de la Paix z’ Reims, wo hìtt d’ Andreàsklinik (clinique Saint-André) ìsch
• s’ Gebäj àm 20–22 Rue Courmeaux z’ Reims
• s’ Gebäj àm 10–12 Rue de l’Écu z’ Reims
• s’ Demmler-Hüüs àm 10 Rue Auguste-Demmler z’ Bourg-la-Reine (ànna 1925)^[2]

• 
  dr Schwìmmbààd vum Tennis-Club z’ Reims
• 
  dr Iigàng vu dr Andreàsklinik odd’r vum ehamooliga Gebäj vum Automobile Club
• 
  s’ Gebäj àm 8-10-12 Rue de l’Écu

• Association Art Déco de Reims et des Villes du Grand Est (Hrsg.): Jacques Rapin : l’architecte rémois. September 2021 (französisch, tcreims.com [PDF; abgerufen am 16. März 2026]).