Jeanne Waltz

D Jeanne Hélène Emmanuelle Waltz (* 12. Augschte 1962 z Baasel) isch e Schwyzer Filmschaffendi. Si läbt z Portugal un schafft as Biinebildneri un Draibuechautoori vor allem fir portugiisischi Filmbrodukzioone, aber au as Filmreschiseeri.

D Jeanne Waltz isch anne 1962 z Baasel uf d Wält chuu. No dr Schuel het si vu 1981 bis 1986 an dr Freie Uniwersiteet Berlin Japanology studiert. Derno het si z Berlin bis 1988 e chlai Kino, e chlaine Kunzäärtclub un e Filmclub bedriibe.^[1][2][3]

Wu si 1988 fir d Berlinale gschafft het, het si dr protugiisisch Reschiseer un Tooninschenieer Joaquim Pinto chännegleert. Är het er vu sym Wunsch verzellt, z Lissabon en aige chlai Kino ufzmache. Fir där Zwäck isch si 1989 uf Lissabon chuu, wu si noch em Fäälschlaag vu däm Voorhaa bliiben isch un aagfange het, fir portugiisischi Filmbrodukzioone z schaffe. Zum eerschte Mool het si 1989 as Faareri fir dr Film „Recordações da Casa Amarela“ vum Reschiseer João César Monteiro gschafft, wu vum Pinto broduziert wooren isch. Wel s nit an Faarer gmanglet het, derfiir in dr Uusstattig un bim Biinebild, het si derno deert mitghulfe. In däm Beraich het si bi verschiidene Brodukzioone mitgwiirkt, u. a. fir „'Non', ou A Vã Glória de Mandar“ vum Manoel de Oliveira (1990), „Bis ans Ende der Welt“ (1991) vum Wim Wenders un „Xavier“ vum Manuel Mozos (1992), aber au z Dytschland fir „Die tödliche Maria“ vum Tom Tykwer (1993).^[2][4][5]

Fir dr Film „Das Tripas Coração“ vum Joaquim Pintos (1992) het si zum eerschte Moool s Draibuech gschriibe, un druf au fir anderi portugiisischi Film.

Au fir iri eerschte Reschyaarbeteab 1995 het si sälber d Draibiecher gschriibe. Bsundersch iri Chuurzfilm „O Que Te Quero“ (1998) un „As Terças da Bailarina Gorda“ (2000) händ Zuestimmig vu dr Kritik gfunde.^[6] Ire eerschte Langfilm, „Daqui p'ra alegria“ (2004), isch gmischt ufgnuu woore,^[6] iri franzeesisch-schwyzerisch Brodukzioon „Die Unsanfte“ 2007 isch guet ufgnuu woore un het unter anderem dr Schwyzer Filmbryys 2008 fir s bescht Draibuech gwunne.

Anne 2020 het si ne Master in Animazioonschunscht an dr Lissabonner Universidade Lusófona gmacht, iri Abschlussaarbet isch dr Chuurzfilm „Nós os Lentos“ gsii.

D Jeanne Waltz leert Film an dr Chunschthoochschuel École Cantonale d’Art de Lausanne (ECAL) z Lausanne.^[3]

as Reschiseeri

as Draibuechautoori

• O Que Te Quero (1998)
  • Caminhos do Cinema Português, Coimbra 1998 (Bryys fir dr Bescht Chuurzfilm)
  • Berlinale 1998: Nominiert fir e Guldine Bäär as Beschte Chuurzfilm

• As Terças da Bailarina Gorda (2000)
  • Torino Film Festival: Nominiert fir dr Bryys vu dr Stadt Turin as Beschte Chuurzfilm

• Daqui p'ra alegria (2004)
  • Caminhos do Cinema Português, Coimbra 2004: Bryys fir di Bescht Neientdeckig
  • Festival del Cinema Europeo, Lecce: Nominiert fir e Guldeni Olive

• Die Unsanfte (2007):
  • Schwyzer Filmbryys 2008: Beschts Draibuech, derzue Nominierig fir dr Bescht Film und r Bescht Noowugsschauspiiler
  • IndieLisboa, Lissabon 2007: Bryys vu dr Verleier
  • Tallinn Black Nights Film Festival: Nominiert fir dr Prix

• Jeanne Waltz in dr Internet Movie Database
• d Jeanne Waltz bim Filmdienst (deutsch)
• d Jeanne Waltz bim portugiisische Filmreschiseerverband APR
• d Jeanne Waltz bi CinemaPortuguês-Memoriale'
• d Jeanne Waltz bi CinePT, dr filmwisseschaftlige Daatebank vu dr Uniwersiteet Beira Interior

1. ↑ Chuurzbiografy zue dr Jeanne Waltz bi de Soledurner Filmdääg
2. 1 2 Jeanne Waltz bi CinemaPortuguês-Memoriale
3. 1 2 Jeanne Waltz bim portugiisische Filmreschiseerverband (APR)
4. ↑ Internet Movie Database
5. ↑ Jeanne Waltz bi CinePT vu dr Uniwersiteet Beira Interior
6. 1 2 Jorge Leitão Ramos: Dicionário do cinema português 1989 - 2003., 1. Uflaag, Editorial Caminho, Lissabon 2005, S. 641f

Dä Artikel basiert uff ere fräie Übersetzig vu dere Version vum Artikel „Jeanne_Waltz“ vu de dütsche Wikipedia. E Liste vu de Autore un Versione isch do z finde.