Kantonsschuel Ängi
D Kantonsschuel Ängi (amtlich Kantonsschule Enge), umgangspraachlich d Kanti Ängi, isch es Gymi im Chreis zwei i de Stadt Züri.
Geografie
S Gymi liit im Quartier Ängi grad näbed em Bahnhof Ängi beziehigswis de Tramhaltestell Bahnhof Ängi / Bederstrass. Es liit a de Steinentischstrasse 10, 8002 Zürich.[1]
Grad näbed de Kanti Ängi ligged d Kanti Freudebärg und s Liceo Artistico.
Agebot
D Kanti Ängi bestaht us enere HMS (Handelsmittelschuäl) und eneme Gymi. S Gymi het mehreri Profilagebot:
- Neuspraachlich (Italiänisch, Russisch, Spanisch, Änglisch)
- Philosophie, Pädagogik und Psychologie
- Wirtschaft und Rächt (mit und ohne Änglischimmärsion ab em dritte Jahr)[2]
Däzue gits noh de Akzent Campus, wo es Zuäsatzagebot für d Profil Wirtschaft Rächt und Neuspraachlich Spanisch isch. Er setzt en Akzent für d Theme Nachhaltigkeit und Zämmäarbet. Er probiert au d Verstärchig vo Kompetänze, wo für d Bewegig i de Wält i de Zuäkunft nötig sind.[3]
Persone
De aktuelli Rektor isch de Moritz Spillmann. Es git drüü Prorektore, nämlich de Silvio Stucki, d Daniela Schwarz und de Dominique Fluri. Ussertdem gits au noh e Adjunktin, d Patricia Eichholzer.[4]