Karl Friedrich Ringwald

Dr Karl Friedrich Ringwald (* 27. Februar 1888 z Huuse; † 20. Februar 1975 z Schopfe) isch e dytsche Haimetbfläger un Durmwart vu dr Hoche Möhr („Möhrevater“) gsii.

Läbe

Dr Ringwald isch anne 1888 as Suhn vum Salomon Ringwald (1858–1937) un däm syre Frau Anna Maria Ringwald geb. Fritz (1861–1933) gsii. Är isch ghyrote gsii mit dr Emilie Kiefer († 1932)

Am 1. Mai 1937 isch dr Ringwald Mitglid vu dr NSDAP wore (Mitglidsnummere 5.059.486).[1] Um die Zyt het er as Buchhalter gschafft.

Är isch 65 Johr lang Mitglid im Schwarzwaldverain gsii un het si vu 1939 bis 1971 in dr Schopfemer Ortsgruppe engaschiert, as Schriftfierer, Rächner un 21 Johr lang as Durmwart vum Uusichtsdurm uf dr Hoche Möhr, wäge däm het mer ihm au „Möhrevater“ gsait. Ab 1950 isch er Ehremitglid vum Schwarzwaldverain gsii.

Anne 1966 het dr Ringwald d Johann-Peter-Hebel-Gedenkplakette iiberchuu.

Schrifte

  • Loskauf der Tüllinger Pfarrfrau Anna Maria Friesenegger geb. Langenbach aus markgräfl. badischer Leibeigenschaft, 1686. In: Das Markgräflerland. Jg. 1.1929/30, H. 4, S. 124 (Digitalisat)

Fueßnote

  1. ↑ A3340-MFOK: Number S0028. Series: Records Relating to Membership in the Nationalsozialistische Deutsche Arbeiterpartei (NSDAP)
This article is issued from Wikipedia. The text is available under Creative Commons Attribution-Share Alike 4.0 unless otherwise noted. Additional terms may apply for the media files.