Kurt Rittweger

Dr Kurt Rittweger (* 8. Februar 1914 z Berlin-Friedrichshagen; † 5. Dezämber 1968 z Fryburg) isch e dytsche Schurnalischt un Haimetforscher gsii.

Lääbe

Am 1. April 1933 isch dr Rittweger as Studänt Mitglid vu dr NSDAP wore (Mitglidsnummere 1.791.462),[1] dodmol het er z Meiningen (Diringe) gwohnt.

Noch em Zweete Wältchrieg isch er mit syre Familie vu Diringe uf Schopfe chuu, s Wiisedal isch em e zwooti Haimet wore. Är het langi Johr as Redakter bim Markgräfler Tagblatt gschafft un speter as Schefredakter bim Oberbadische Volksblatt.

Är het au zue dr Region publiziert. Zäme mit em Karl Seith het er zue dr 700-Johr Fyyr vu dr Stadterhebig vu Schopfe anne 1950 di historisch Feschtzugsschau vorberaitet, dodrus isch s Bildheft ,Schopfheim im Banne der Geschichte" (1964) entstande. Anne 1962 het er d Reminiszenz „Kleine Plauderei um die alte Stadt Schopfheim" vereffetligt. Är het au an ere „Anthologie badischer Mundartgeschichten und -gedichte“ gschafft, wun er aber nimi z änd brocht het un wu nit publiziert woren isch.

Ann 1953 isch er ain vu de acht Grinder vu dr Freie Wehler z Schopfe gsii.[2]

Am 5. Dezämber 1968 isch dr Rittweger in eme Chrankehuus z Fryburg gstorbe.

Uusgläseni Schrifte

  • Schopfheim. Kleine Plauderei um eine alte Stadt. Oberbadisches Verlagshaus, Lörrach 1962. 60 S.
  • Schopfheim im Banne der Geschichte. Die Historische Festzugsschau aus Anlass d. 700jähr. Stadterhebungsfeier am 6. Aug. 1950 in Wort und Bild. Wiesetal-Verlag, Schopfheim/Baden 1964. 48 S.
  • Wäbstübler. Über 100 Witze teils vorder-, teils hintergründigen Humors. Gehört, aufgeschrieben und gesammelt von Kurt Rittweger. Wiesetal-Verlag, Schopfheim/Baden 1966. 44 S.
  • In memoriam Ernst Grether. In: Das Markgräflerland, Jg. 29.1967, Heft 2, S. 1–3
  • Schopfheim in den Gezeiten der Geschichte. In: Das Markgräflerland, Jg. 30.1968, Heft 2, S. 51–52

Literatur

  • Johannes Helm: Wer — wann — wo? Biographische Notizen aus dem Markgräflerland. In: Das Markgräflerland, Jg. NF 6(37).1975, Heft 3/4, S. 215
  • Fritz Schülin: Nachruf Kurt Rittweger. In: Das Markgräflerland, Jg. 30.1968, Heft 3, S. 77

Fueßnote

  1. ↑ A3340-MFOK: Number S0032. Series: Records Relating to Membership in the Nationalsozialistische Deutsche Arbeiterpartei (NSDAP)
  2. ↑ Den besten Weg im Blick: 50 Jahre Freie Wähler, Badische Zeitung, 22. Juli 2003
This article is issued from Wikipedia. The text is available under Creative Commons Attribution-Share Alike 4.0 unless otherwise noted. Additional terms may apply for the media files.