LuK Challenge

LuK Challenge
Logo
Uusdragigsland	Deutschland Dytschland
Uusdragigszytruum	Juli/Augschte
Ränntyp	Baarzytfahre
Erschti Uflag	1968
Erschte Siiger	Flagge Italiens Vittorio Adorni / Flagge Belgiens Ferdinand Bracke
Rekordsiiger	Je 3 Siig: Flagge der Schweiz Tony Rominger Flagge Deutschlands Jens Voigt Flagge Deutschlands Michael Rich

D LuK Challenge isch e Baarzytfahre, wu bis 2006 Ändi Juli bzw. Aafangs Augschte z Biil uusdrait woren isch. D LuK Challenge het zue dr UCI Europe Tour ghert (Kategori 1.1). Wäg dr internationale Bedytig isch s Ränne as inoffiziälli Wältmeischterschaft im Baarzytfahre aagsähne wore. D LuK Challenge isch in dr Hauptsach vum Automobilzueliferer LuK Gruppe finanziert wore.

Im Spotjohr 2006 het dr Hauptsponsor LuK no zahlryyche Dopingfälle im Radsport bekannt gee, ass er ufhert mit syym Engagement. Dodermit isch des Baarzytfahre yygstellt wore.

Vor dr LuK Challenge het d LuK Gruppe dr LuK-Cup gsponseret, e Stroßeränne, wu vu 1996 bis 2003 z Biil uusdrait woren isch.

D Vorlaifer vu däm Baarzytfahre geen bis in s Johr 1968 zruck. Im Lauf vu dr Johr het s e baar Mol dr Namme gwägslet, dr Sponsor un au dr Uusdragigsort:

• 1968 – 1992: Grand Prix Baden-Baden (z Bade-Bade)
• 1993 – 1996: Telekom Grand Prix (z Karlsrueh)
• 1997 – 1999: Grand Prix Breitling (z Karlsrueh)
• 2000 – 2001: Grand Prix EnBW (z Karlsrueh)
• 2002 – 2003: Karlsruher Versicherungs-Grand Prix (z Karlsrueh)
• 2004 – 2006: LuK Challenge (z Biil)

In dr Johr 2004 un 2005 het s au ne Fraue-Baarzytfahre gee.

Rekordsiiger sin mit je drej Siig dr Tony Rominger (1992, 1994, 1995), dr Jens Voigt (1999, 2004, 2005) un dr Michael Rich (2000, 2002, 2003).

Am 2. Augschte 2009 hätt z Bihl wider e Baarzytfahre solle stattfinde, s "Chrono 2" (UCI Kat 1.1). Dr Veraastalter Eugen Rösinger, wu au scho d LuK Challenge organisiert gha het, het s Ränne aber im Mai 2009 us organisatorische Grind abgsait, au d Uusdragig, wu fir 2010 blant gsi isch, isch abgsait wore.

• Offiziälle Websyte