Mercedes-Benz Citaro K

Mercedes-Benz

O 530 K
Hersteller	EvoBus
Böuart	Midibus
Produktionszytruum	aktuell
Achs	2
Motor	BlueTec Diesel Euro4
Laischtig	210 kW
Lengi	10,503 m
Braiti	2,55 m
Hechi	3,076 m
Achsstand	4398 mm
Chehrkrais	17,2 m
Sitzplätz	27 + 1
Stooplätz	60
Leergwicht	10.037 kg
Zuel. Gsamtgwicht	18.000 kg
Vorgängermodell	Mercedes-Benz O 405 NK
Ähnligi Modell	MAN Lion's City M Solaris Urbino 10 Irisbus Citelis

Der Citaro K (au O 530 K) isch en Stadtbus vo der Mercedes-Benz Citaro-Serie und au ds chürzist Modell.

Usfüehrige

Härsteller isch EvoBus in Mannheim. Mit siner Längi vo 10,5 m isch er en Midibus in Niederflurbauwis.

Er isch nur bedingt als Nachfolger vom Mercedes-Benz Cito z gseh, wil der ine Längine vo 8 bis 9,5 m verfügbar und au schmaler als d Solobus gsi isch. Im Strassebild isch er nur schwirig z erkenne, will er optisch em 12-m-Citaro sehr ähnlich chunt und au der O 530 K ider Standartusfüehrig vore und ider Mitti Doppeltüre ufwist, allerdings gits au Spezialwünsch miter einfache Vordertür wie bispilswis bi Bernmobil. Verglichbari Modell vo anderne Härsteller hei meischtens nur e eifachi Vordertür. Es git allerdings chlini Merkmali wome de Citaro K vom 12 Meter Bus unerscheide cha.

Sine erscht öffentlich Uftritt isch an der IAA-Nutzfahrzeugmesse 2006 gsi^[1]. So Fahrzüg wärde bispilswis bi der Hagener Straßenbahn AG^[2], ds Butzbach^[3], der Havelbusgesellschaft^[4] ds Potsdam/Brandenburg, Wuppertal^[5]^[6], ds Mannheim und au ider Schwiz bii Postauto wärde paar igsetzt. Au d Reederi Norden-Frisia^[7] bsitzt es Exemplar. Wiit verbreitet isch der Citaro K au iner Schweiz, Pole und Frankrich. Seit 2018 giz vom Citaro C2 K au en Hybrid Version.

Unterschiede zum 12 Meter Bus

Hie gseh ihr chlini Merkmali wo derbi hälfe chäne der Citaro K vom 12 Meter Bus zu unerscheide, d Merkmal sind jewils in Gälb respektive Rot umchreist.

Der Unerschid bim Facelift uf der Fahrersite

Facelift K 2 Türe

- Vom Facelift K giz nur en 2 Tür Version.

- Bim K sind zwische Vorder- und Hindertür nur 2 Fenster und bim 12 Meter Bus hets nu es witers Fenster vor der Hindertür.

C2 K 2 Türe

- Hie chame äbefalls wie bim Facelift K am beschte a de Fenster zwische Vorder- und Hindertür erkenne.

C2 K 3 Türen

- Bim 12 Meter Bus isch nach der Mitteltür zuesätzlich es churzes Fenster Igebaut.

- Bim C2 K isch au es Merkmal under de Fenster der chli Abstand zwischem Hinderrad und Mitteltür.

- Me chas äbefalls a de Sitemarkierigsleuchte erkenne wo zwische dri sind, bim 12 Meter Bus isch Links vo de Sitemarkierigsleuchte en dütlich grösseri Flächi als bim K.