Merian Iiseli Spiddaal

Merian Iiseli Spiddaal
Unternähmensform Stifdig
Gründig 1918
Sitz Basel, Schwiz
Leitig
  • Marc C. Theurillat (Bresidänt vom Stifdigsroot)
  • Stefan Fricker (Diräkter)
Branche Gsundhäitswääse
Uffdritt im Netz www.merianiselin.ch/
Dialäkt: Baseldütsch

S Merian Iiseli Spiddaal isch e brivaati Klinik an dr Föörestrooss 2 in dr Stadt Basel. D Klinik konzentriert sich uf d Orthopedii, het aber au Abdäilige für zum Bischbil allgemäini und inneri Medizin, allgemäini und blastischi Chirurgii, Sportmedizin, Nöirologii, Urologii u.s.w. Si wird vo dr Merian Iiseli Stifdig dräit.

Gschicht

Im Joor 1898 het d Adele Merian-Iselin dr Basler Gsellschaft für s Guete und Gmäinnützige Land und 700'000 Franke vermacht, zum z Basel e Homöopathischi Klinik mit mindestens fuffzää Bett baue.[1] 1918 het d Merian Iiseli Stifdig d Klinik an dr Föörestrooss iigweit. S Spiddaal het vor eme Zitli si klassischi homöopatischi Richdig ufgee und bedribt hüte konvenzionelli Medizin.[2]

2011 het d Klinik mit em Informationssystem MCC die elektronischi Chrankegschicht iigfüert. In däm Joor het si fast 6'000 Baziänte versorgt, zwäi Driddel drvo in dr Orthopedii. Im Spiddaal het s öbbe 110 Bett, wo zu 86 Brozänt beläit si.

Fuessnoote

  1. ↑ Emil Schlegel , Reform der Heilkunde durch die Homöopathie Hahnemanns, 1903, S.87
  2. ↑ Gudrun Bornhöft, Peter Matthiessen, Homeopathy in Healthcare: Effectiveness, Appropriateness, Safety, Costs, Springer 2011, S.93

Weblingg

This article is issued from Wikipedia. The text is available under Creative Commons Attribution-Share Alike 4.0 unless otherwise noted. Additional terms may apply for the media files.