Pierre de Maillard

Dr Pierre de Maillard [pjɛʁ də majaʁ] (* 31. Jüüli 1967) ìsch a frànzeescher tràdizionàlìschter kàthoolischer Priaschter vu dr Priaschterbriaderschàft St. Pius X.. Ar ìsch ànna 2023 vu dr Ziwiiljuschtiz verurtailt worra, dänn’r hàt ìn dr Vendée 27 Kìnder mìssbrüücht un verg’wàltigt.

Dr Pierre de Maillard ìsch ànna 1993 ìm Priaschterseminààri vu dr Piüsbriaderschàft z’ Écône (Kàntoon Wàllis) zem Priaschter g’wäijt worra. Ar ìsch z’äärscht ìm Priorààt z’ Brüssel gsìì. Ànna 1997 hàt’r àn dr Schüal „Morgaschtarn“ (L’Étoile du matin) z’ Egelshat ìn dr Moselle g’schàfft. Ar ìsch d’rnooh àn dr Kàpall z’ Conflans-Sainte-Honorine ìm Département Yvelines bii Pàriis gsìì. Vu 2004 bis 2010 ìsch’r àm Priorààt vu Nantes gsìì, vor äbb’r ìn d’ Vendée versätzt worra-n-ìsch.^[1]

Àm 15. Oktoower 2020 hàt s’ Ziwiilg’rìcht vu La Roche-sur-Yon bekànnt gaa, àss dr Maillard verhàfta worra-n-ìsch, un àss geega’na a Ärmìttlungsverfààhra iig’laita worra-n-ìsch, dänn’r hatt mehrera Mìnderjaahriga mìssbrüücht un verg’wàltigt. Bis zu doo hann d’ Ärmìttler schuu d’ Idantiteet vu 19 Opfer fäschtg’schtällt g’hàà.^[2][3] Dr Maillard hàt zitter 2010 àm Priorààt „Unsra Liawafràui àm Roosakrànz“ (Notre-Dame-du-Rosaire) z’ Saint-Germain-de-Prinçay so wia àn dr Kàpall „Unsra Liawafràui vu dr Hoffnung“ (chapelle Notre-Dame-de-l’Espérance) z’ La Rochelle g’schàfft.^[4] Doo hàt’r zwìscha 1995 un 2020 d’ Kìnder mìssbrüücht.^[5][6] D’ maischta Opfer sìnn zwìscha 12 un 15 Joohra àlt gsìì.^[6] Aina Wucha d’ruff hàt dr Dischtriktowwerer vu Frànkrììch Benoît de Jorna a Video dräijt un hàt d’rìnn g’sajt, àss d’ Fàmìlia vu da Opfer unterschtìtzt.^[7] D’ kàthoolischa Zittung La Croix hàt jedoch gezaigt, àss d’ Piüsbriaderschàft schuu dr Maillard schuu geschtrooft g’hàà hàt, dänn’r hàt „schlaachta odd’r säxüälla Verhàlfta geega-n-ìwwer Junga“ g’hàà hàt. Zitter mehrera Joohra (2010 odd’r 2013, je nooh Kwalla) hàt’r àlso nìmm zamma mìt Junga därfa schàffa — jedoch hàt d’ Briaderschàft nìcks ìn da Ziwiilbeheerda g’sajt.^[1][8]

Ìm Mai 2023 ìsch dr Prozass vum Maillard àm Schwüarg’rìcht z’ La Roche-sur-Yon gsìì. Doo ìsch dr Maillard mìt Verg’wàltigunga un Mìssbrüüch geega 27 Kìnder (16 Büa un 11 Maidla) ààklààgt worra.^[1][9][10] Uff’m ‚Pìlgerwaag vu dr Krìschtahait‘ zwìscha Chartres un Pàriis àm 27. Mai 2023 hàt dr Dischtriktowwerer Benoît de Jorna äffentlig d’ Pìlger ämpfoohla, fìr dr Pàter Maillard un d’ Opfer z’ beeta.^[11] Àm 2. Jüüni 2023 ìsch dr Maillard züa 20 Joohra G’faangniss verurtailt worra. Grààd vor dr Verurtailung hàt’r viarmol „Äntschuldigung!“ g’sajt.^{[12][13][14][15][16]}

Nooh dr Zittung Ouest-France hann zitterhaar dräi wittera Litt Klààga geega dr Maillard iig’rìchta. Domìt wìrd vìlliicht a zwai Prozass schtàttfìnda.^[17]

• Sacha Martinez: Prêtre jugé pour viols sur 27 mineurs en Vendée : la Fraternité aurait-elle pu mieux faire ? In: Ouest-France. 31. Mai 2023 (französisch, ouest-france.fr [abgerufen am 10. Februar 2026]).