Quanzhou
| 泉州市 Quanzhou | |||
|---|---|---|---|
| |||
| Koordinate | 24° 55′ N, 118° 35′ O | ||
| Basisdate | |||
| Staat | China | ||
| Fujian | |||
| Flechi | 11.244 km² | ||
| Iiwooner | 7.860.000 (2010) | ||
| Dichti | 699 Ew./km² | ||
 Stroossevercheer in Quanzhou | |||
Quanzhou (chin. 泉州市, Quánzhōu shì) isch e bezirksfreiji Stadt in dr südostchinesische Browinz Fujian. S Verwaltigsgebiet vo Quanzhou het e Flechi vo 11'244 km² und 7,86 Millione Iiwooner (2010). D Stadt het wäärend dr Yuan-Dünastii äine vo de wichdigste Hääfe uf dr Wält ghaa. Zu de berüemtiste Bsuecher vo dr Stadt ghööre dr Marco Polo und dr Ibn Battuta.
Administrativi Iidäilig
Uf dr Kräiseebeni setzt sich d Stadt Quanzhou s vier Stadtbezirk, drei kräisfreije Stedt und vier Kräis zämme.
D Laag
Quanzhou lit in dr Nööchi vo dr Mündig vom Jin Jiang in d Taiwan-Strooss im Süde vo dr Browinz Fujian. D Stadt het e seer milds Klima mit Jooresdurchschnittstempratuure vo 15 bis 21 Grad Celsius.
Wirtschaft
Under de bezirksfreije Stedt vo Fujian isch Quanzhou d Stadt mit dr grösste Wirtschaftschraft. Quanzhou isch e wichdigs Zentrum vo dr Stäimetzerei und im Umland vo dr Stadt git s Stäibrüch und e Hufe Firme, wo Gedänkdaafele, Statue oder äifach nume Blättli und schööni Stäi broduziere. Wääge däm isch d Belastig mt Staub in dr Stadt und dr Umgääbig seer hooch.
- Bruttoinlandsprodukt: 122,3 Milliarde Renminbi
- BIP bro Chopf: 16.650 Renminbi
Zaale: Fujian Statistical Yearbook 2003 (Zaale vo 2002)
Litratuur
- Siegfried Englert: Quanzhou - Versuch einer Annäherung. Annweiler: Plöger Medien, 2012; ISBN 978-3-89857-269-9
- Siegfried Englert: 走近泉州 (Zǒujìn Quánzhōu, Annäherung an Quanzhou, übersetzt vom Zhu Yufang). Shanghai: Wenhua Chubanshe, 2013. ISBN 978-7-5535-0079-9
