Rothuus Regio-Tuur

Rothaus Regio-Tour
Uusdragigsland DeutschlandDeutschland Dytschland
Uusdragigszytruum Augschte
Ränntyp Etapperänne
Erschti Uflag 1985
Erschte Siiger Flagge DeutschlandsGER Uli Rottler
Rekordsiiger Flagge FrankreichsFRA Laurent Brochard (2 Siig)

D Rothuus Regio-Tuur (dt. Rothaus Regio-Tour, bis 2001: Regio-Tour) isch e international Etapperänne in dr UCI-Kategori 2.1, wu alljohr im Augschte im Drejeckland Dytschland-Frankryych-Schwyz stattgfunde het.

S Ränne isch anne 1985 z Gundelfinge bi Fryybeg vum Rudi Renz grindet wore. Syterhär het sich des fimfdägig Radränne zue eim vu dr hochklassige Mehdagesränne z Dytschland entwicklet un het 2009 zum 25. Mol stattgfunde. Draditionäll isch ei Etappe uf franzesischem Bode dur s Elsass uusdrait wore. D Tuur het alliwyl ufghert mit ere Etappe z Vogtsburg am Chaiserstuel.

D Rothuus Regio-Tuur isch vu 2005 bis 2008 Deil vu dr UCI Europe Tour gsi un ab 2006 isch si Deil vu dr neje Dytsche Meischterschaft (TUI-Cup) gsii.

Titelsponsor isch syt 2002 di Badisch Staatsbröuerej Rothuus gsii.

Anne 2009 het d Rothuus Regio-Tuur s erscht Mol as Junioreränne mit Nationalmannschafte vom 20. bis 23. Augschte stattgfunde. Statt dr Profi-Radsportler sin jetz di beschte 17 un 18 Johr alte Radsportler aadrätte un hän uf dr vier Etappe dur s Markgreflerland, s Elsass, am Hochryy lang un dur dr Chaiserstuel um Siig gchämpft. Au in dr Johr 2010 bis 2012 isch d Rothuus Regio-Tuur e Junioreränne gsi. No 2012 isch s Ränne yygstellt wore.

Bekannti Siiger sin dr Mario Cipollini (1987), dr Jan Ullrich (1996) un dr Alexander Winokurow (2004). Dr Laurent Brochard isch mit zwee Siig (1994, 2002) dr bishärig Rekordsiiger.

Siigerlischt

  • 2012 Niderlande Pjotr Havik
  • 2011 Auschtralie Bradley Linfield
  • 2010 Dytschland Mario Vogt
  • 2009 Dytschland Ron Pfeifer
  • 2008 Dytschland Björn Schröder
  • 2007 Spanie Moisés Dueñas
  • 2006 Dytschland Andreas Klöden
  • 2005 Belgie Nico Sijmens
  • 2004 Kasachstan Alexander Winokurow
  • 2003 Ukraine Wolodymyr Hustow
  • 2002 Frankryych Laurent Brochard
  • 2001 Frankryych Patrice Halgand
  • 2000 Italie Filippo Simeoni
  • 1999 Dytschland Grischa Niermann
  • 1998 Italie Mirko Celestino
  • 1997 Russland Wjatscheslaw Dschawanian
  • 1996 Dytschland Jan Ullrich
  • 1995 Italie Roberto Pistore
  • 1994 Frankryych Laurent Brochard
  • 1993 Frankryych Pascal Hervé
  • 1992 Pole Dainis Ozols
  • 1991 Dytschland Alexander Kastenhuber
  • 1990 Sowjetunion Alexander Chefer
  • 1989 Dytschland Falk Boden
  • 1988 Sowjetunion Wjatscheslaw Jekimow
  • 1987 Italie Mario Cipollini
  • 1986 Italie Flavio Vanzella
  • 1985 Dytschland Uli Rottler
Dä Artikel basiert uff ere fräie Übersetzig vu dere Version vum Artikel „Rothaus_Regio-Tour“ vu de dütsche Wikipedia. E Liste vu de Autore un Versione isch do z finde.
This article is issued from Wikipedia. The text is available under Creative Commons Attribution-Share Alike 4.0 unless otherwise noted. Additional terms may apply for the media files.