Schoval
| Schoval | |||
| |||
| a Uffnààhm ìm Kibbutz ànna 2007 | |||
| Basisdate | |||
|---|---|---|---|
| hebräisch: | שובל | ||
| Staat: |  Israel | ||
| Bezirk: | Süd | ||
| Gründet: | 6. Oktoower 1946 | ||
| Koordinate: | 31° 25′ N, 34° 45′ O | ||
| Höchi: | 207 m | ||
| Art vo dr Gmeind: | Kibbuz | ||
| |||
| Dialäkt: Mìlhüüserdiitsch |
Schoval (uff Hebrääisch שׁוֹבָל Schoval) ìsch a Kibbuz ìn dr neerdliga Negev-Wììschta ìm Süüdbezirk vun Israel. Dr Kibbuz lììgt ìn dr Neecha vu dr Beduiina-Schtàdt Rahat un g’heert züa dr Regionààlverwàltung B’nei Schimon.[1]
wu dr Nàmma haar ìsch
G’nännt ìsch dr Kibbuz nooh-n-ema Suhn vum Se’ir ìm Tanach (1 Chronik,4:1 ).[1] D’ Grìnder hann’na urschprìnglig „Eilat“ wälla taifa, dänn sa hann biim Rotes Meer wälla siidla.[2]
G’schìcht
Dr Kibbuz ìsch àm 6. Oktoower 1946 grìnda worra. Ar ìsch Tail vum „Älf-Punkta-Progràmm“ vu dr Jìddischa Àgantüür ìn dr Negev-Wììschta gsìì. Z’ Schoval laawa 1011 Litt (Schtànd: 2022) — bii daana sìnn 200 Mìtglììder vum Kibbuz.[1]
Ànna 1956 sìnn pàläschtinänsischa Beduiina vertrììwa worra, fìr àss ìhr Lànd ìwwernaama känna wìrd — vorhaar hann sa doo unter dr isràeelischa Militäärhärrschàft g’laabt g’hàà. M’r hàt sììe z’ Wadi Hiran umg’sììdelt. Ainiga sìnn ìn Hura gànga ge laawa, àndra ìns Dorf Umm al-Hiran, obwoohl d’ isràeelischa Beheerda d’ Dorfg’mainschàft nia àànärkännt hàt. Ànna 2022 hàt d’ isràeelischa Regiarung äntschììda, uff’m Lànd vun Umm al-Hiran a jìddischa Sììdlung z’ ärrìchta, un hàt d’ Iiwooner nochamol vertrììwa.[1][3]
bekànnta Litt, wo doo g’woohnt hann
A pààr bekànnta Litt hann ìm Kibbuz Schoval g’woohnt:[4]
- dr Histooriker Yehuda Bauer (1926–2024)
- dr Inscheniöör un Wìssaschàftler Jitzach Bentov (1923–1979)
- dr Knesset-Àbg’oordnet Elazar Granot (1927–2013)
- d’ Dìchtera un Schrìftschtällera Yehudit Kafri (1935–2026)
- dr Müssikànt Danny Robas (* 1957)
Weblìnks
- d’ offiziälla Websitta vum Kibbuz (hebrääisch)
Ainzelnoohwiisa
- 1 2 3 4 Dia Informàzioona sìnn üss’m Àrtìkel Schoval ìn dr hoochdiitscha Wikipedia ìwwernumma worra.
- ↑ Jìddischer Nàzionààlfonds (Hrsg.): Jewish villages in Israel. Jerusalem 1949, S. 169 (englisch).
- ↑ From Its Ruins, a Settlement: The Story of Umm al-Hiran and the Dark Side of Zionism. In: Haaretz. 14. November 2014 (englisch).
- ↑ Dia Informàzioona sìnn üss’m Àrtìkel Schoval ìn dr anglischa Wikipedia ìwwernumma worra.