Sept-Saulx

Sept-Saulx
Region	Grand Est
Département	Marne
Arrondissement	Reims
Kanton	Mourmelon-Vesle et Monts de Champagne
Kommünàlverbànd	Grand Reims
Koordinàte	49° 9′ N, 4° 15′ O49.154.2541666666667
Heche	91–151 m
Flech	18,30 km2
Iiwohner	686 (1. Jänner 2020)
Bevelkerungsdicht	37 Iiw./km2
Code Postal	51400
INSEE-Code	51530
Website	sept-saulx.fr

Sept-Saulx [sɛt so] ìsch a frànzeescha Gmainda mìt 686 Iiwoohner (Schtànd: 1. Januar 2020) ìm Département Marne ìn dr Regioon Grand Est (vor 2016 Champagne-Ardenne). Sa gheert zem Arrondissement Reims un zem Kàntoon Mourmelon-Vesle et Monts de Champagne. D’ Iiwoohner waara Septemsaliciennes [sɛptɛmsalisjɛn] (fìr d’ Fràuija) un Septemsaliciens [sɛptɛmsalisjɛ̃] (fìr d’ Manner) g’nännt.

Sept-Saulx lììgt äbba 20 Kilomeeter süüdeeschtlig vu Reims àm Vesle. Ìm Wäschta düat dr Aisne-Marne-Kànààl d’ Gmainda kweera. Umgaa wìrd Sept-Saulx vu da Nochbergmainda Val-de-Vesle ìm Norda un Wäschta, Prosnes ìm Nordoschta, Baconnes ìm Oschta, Mourmelon-le-Petit ìm Süüdoschta, Livry-Louvercy ìm Süüda un Süüdoschta, Billy-le-Grand ìm Süüda un Süüdwäschta so wia Les Petites-Loges ìm Wäschta un Süüdwäschta. Dr Hàltapunkt Sept-Saulx lììgt àn dr Bààhnschträcka Châlons-en-Champagne–Reims.^[1]

• d’ romàànischa, reemisch-kàthoolischa Kìrìch Saint-Basle üss’m 12. Joohrhundert ìsch zitter 1920 àls Histoorisch Dankmol vu nàzionààler Bediitung klàssifiziart worra.^[2] Ìn dr Kìrìch sìnn d’ Schtàtüüta vu dr hl. Barbara,^[3] vum hl. Hubertus,^[4] vu dr Mària un ìhrer Müatter Anna,^[5] so wia dr Retààbel vu dr Wiahnàchtsg’schìcht un dr Uffärschteehung vum Jesüs Krìschtüs^[6] àls Objakta bii da Histoorischa Dankmooler vu nàzionààler Bediitung klàssifiziart. D’ Schtàtüüta vum hl. Antonius^[7] un s’ Gmäld „D’ lätschta Kommunioon vum hl. Hieronymus“^[8] sìnn bii da Histoorischa Dankmooler vu regionààler Bediitung iitrajt. Üsserdam ìsch zallamols a Schtàtüüta vu dr Sìtzenda Jumpfra gsìì, wo verschwunda-n-ìsch.^[9]
• dr frànzeescha Nàzionààlfrììdhoof, wu 3.043 Soldààta-n-üss’m Äärschta Waltkriag un 2 Kampfer üss’m Zwaita Waltkriag beardigt sìnn. Ar ìsch ànna 1915 ààg’lajt un ànna 1923 umgschtàlta worra. Ànna 1988 ìsch’r vollschtandig ärfrìscht worra.^[10][11]
• s’ Schloss Sept-Saulx, wo zwìscha 1928 un 1930 bàuija worra-n-ìsch un neerdlig vum Dorf lììgt. ’S ìsch zitter 2000 àls Monument historique vu regionààler Bediitung iig’schtuuft.^[12]
• s’ Mausoleum vum Alexandre de Bary, wo ànna 1903 bàuija worra-n-ìsch
• s’ Dankmool àn dr ehamooliga Reemerschtrooss, wo dr Kaiser Napoleon III. hàt loo ärrìchta. ’S schteht àn dr Schtrooss D35 bii dr Granz züa Mourmelon-le-Petit un Baconnes.
• s’ Kriagerdankmool àm Plàtz Édouard-Mignot. ’S ìsch urschprìnglig vor dr Kìrchatììra-n-ärrìchta worra.^[13]
• Grinyland, dr ainziga Fräizittpàrk ìm Département Marne^[14]

• 
  d’ Kìrìch Saint-Basle
• 
  ìm Kìrchaschìff
• 
  dr Iigàng vum Nàzionààlfrììdhoof
• 
  uff’m Nàzionààlfrììdhoof
• 
  s’ Schloss Sept-Saulx
• 
  s’ Dankmool vu dr Reemerschtrooss
• 
  s’ Roothüüs
• 
  dr Bààhnhoof Sept-Saulx
• 
  ìm Nàtüürpàrk vu Grinyland

 Commons: Sept-Saulx – Sammlig vo Multimediadateie

• Websitta vu dr Gmaindaverwàltung (frànzeesch)
• Schtàtistik ìwwer d’ Gmainda Sept-Saulx biim INSEE (frànzeesch)