Serzy-et-Prin
| Serzy-et-Prin | ||
|---|---|---|
.svg.png)
|
| |
| Region | Grand Est | |
| Département | Marne | |
| Arrondissement | Reims | |
| Kanton | Fismes-Montagne de Reims | |
| Kommünàlverbànd | Grand Reims | |
| Koordinàte | 49° 15′ N, 3° 46′ O | |
| Heche | 77–201 m | |
| Flech | 7,36 km2 | |
| Iiwohner | 211 (1. Jänner 2020) | |
| Bevelkerungsdicht | 29 Iiw./km2 | |
| Code Postal | 51170 | |
| INSEE-Code | 51534 | |
| Website | serzyetprin.fr | |
| Dialäkt: Mìlhüüserdiitsch |
Serzy-et-Prin 
[sɛʁzi e pʁɛ̃] ìsch a frànzeescha Gmainda mìt 211 Iiwoohner (Schtànd: 1. Januar 2020) ìm Département Marne ìn dr Regioon Grand Est (vor 2016: Champagne-Ardenne). Sa gheert zem Arrondissement Reims un zem Kàntoon Fismes-Montagne de Reims. D’ Iiwoohner nännt m’r Serprinoises [sɛʁpʁinwaz] (fìr d’ Fràuija) un Serprinois [sɛʁpʁinwa] (fìr d’ Manner).
wu ’s lììgt
Serzy-et-Prin lììgt äbba 25 Kilomeeter wäschtlig vu Reims àn dr Ardre. Umgaa wìrd Serzy-et-Prin vu da Nochbergmainda Hourges ìm Norda, Savigny-sur-Ardres ìm Oschta un Nordoschta, Faverolles-et-Coëmy ìm Süüdoschta, Lhéry ìm Süüda un Süüdoschta, Lagery un Brouillet ìm Süüdwäschta so wia Crugny ìm Wäschta un Nordwäschta.[1]
wia d’ Beväälkerung äntwìckelt hàt
| Joohr | 1962 | 1968 | 1975 | 1982 | 1990 | 1999 | 2006 | 2018 |
| Iiwoohner | 172 | 181 | 154 | 206 | 210 | 199 | 191 | 204 |
| Kwalla: Cassini un INSEE | ||||||||
wàs doo z’ sah ìsch
- d’ reemisch-kàthoolischa Kìrìch Unsra Liawa Fràui (église Notre-Dame) vum 12. Joohrhundert. Ìn dr Kìrìch sìnn dr Hàuiptàltààr mìt siim Retààwel bii da Histoorischa Dankmooler vu regionààler Bediitung iig’schtuuft. Dr Retààwel hàt a G’mäld vum hl. Bernhàrd siinera Wisioon vu dr Jumpfra Mària, un uff’m Àltààr sìnn zwai Schtàtüüta vu dr hl. Juliana un em hl. Johànnis em Taifer.[2] Àui d’ Ànrìchta üss Aichaholz vum 18. Joohrhundert[3] so wia driissig holziga Kìrchabanka vum 19. Joohrhundert[4] sìnn bii da Histoorischa Dankmooler vu regionààler Bediitung iitrajt.
- s’ Schloss vum 17. Joohrhundert z’ Prin[5]
d’ Liawafràuikìrìch
s’ Roothüüs
Wìrtschàft
D’ Gmainda Serzy-et-Prin lììgt ìm Wiibàuigebiat Champagne.[6] Ìm Gmaindabooda sìnn Raabgebiater z’ fìnda, fìr Schàmpàànier harschtälla.[7]
wìchtiga Litt üss dr Gmainda
- dr Forscher Victor Debay (1861–1921) ìsch z’ Serzy-et-Prin uff d’ Walt kumma.[5]
Lüag àui
Weblìnks
- Websitta vu dr Gmaindaverwàltung (frànzeesch)
- Schtàtistik züa dr Gmainda Serzy-et-Prin biim INSEE (frànzeesch)
- Schtàtistischa Dààta züa dr Gmainda Serzy-et-Prin, wo düü ufflààda kààsch bii data.gouv.fr (frànzeesch)
Ainzelnoohwiisa
- ↑ Dia Informàzioona sìnn üss’m Àrtìkel Serzy-et-Prin ìn dr hoochdiitscha Wikipedia ìwwernumma worra.
- ↑ autel (maître-autel) avec le retable et son tableau : Apparition de la Vierge à saint Bernard, deux statues (statuettes) : Sainte Julienne et Saint Jean-Baptiste, et une croix ìn dr Base Palissy vum frànzeescha Kültüürminìschterium (frànzeesch)
- ↑ buffet ìn dr Base Palissy vum frànzeescha Kültüürminìschterium (frànzeesch)
- ↑ trente bancs ìn dr Base Palissy vum frànzeescha Kültüürminìschterium (frànzeesch)
- 1 2 Dia Informàzioona sìnn üss’m Àrtìkel Serzy-et-Prin ìn dr frànzeescha Wikipedia ìwwernumma worra.
- ↑ Aire géographique Champagne blanc. In: Guide des vins et des vignes de France. Abgruefen am 9. Mai 2024 (französisch).
- ↑ Antoine Pardessus: À Serzy-et-Prin, des sensations au bord des vignes à trottinette électrique. In: L’Union. 14. Juli 2023, abgruefen am 4. Juni 2024 (französisch).