Dreckmaisli
| Dreckmaisli | ||||||||||||
|---|---|---|---|---|---|---|---|---|---|---|---|---|
Dreckmaisli (Poecile palustris) | ||||||||||||
| Systematik | ||||||||||||
| ||||||||||||
| Wüsseschaftlige Name | ||||||||||||
| Poecile palustris | ||||||||||||
| (Linnaeus 1758) |
S Dreckmaisli (Poecile palustris; alemanischi Näme) isch e Singvogel, wo i Mitteleuropa dor s ganz Joor döre vorchunnt. I de Alpe huusets bis 2000 müM.
Uussie
Bim Dreckmaisli sind de Rugge, de Schwanz und d Flögel bruu. De Buuch isch “dreckig”-wiiss, de Chopf wiiss mittere schwarze Chappe bis zo de Auge und eme schwarze Tupf underem chorze Schnabel. Mandli und Wiibli gsiend gliich uus. S Dreckmaisli werd 11 bis 13 cm grooss, het e Spannwiiti vo 18 bis 19 cm und wögt 9 bis 12 Gramm.
Lebeswiis
S Dreckmaisli lebt i Laub- und Mischwälder, Bommert, Pärk und i Sidlige mit alte morsche Bömm. Sis Nest bauts i Bommhöölene und Vogelhüsli, wo s mit Mies und Hoor uuschlaidet. Dreckmaisli fresset Insekte, Spinne und Söömli. För de Winter laits Vorrööt aa, wo aber mengisch vo Chöllerli plünderet wered.
Büecher
- Heinz Staffelbach: Handbuch Schweizer Alpen; Bern 2008.ISBN 978-3-258-06895-4
- Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7