Talkhon Hamzavi
D Talkhon Hamzavi (* 1979 z Teheran, peersisch: تلخون حمزوی) isch e iraanisch-schwyzerischi Reschiseeri. Ire Chuurzfilm Parvaneh isch bi dr Oscarverleiig 2015 fir dr bescht Chuurzfilm nominiert gsii.
Lääbe
D Talkhon Hamzavi isch z Teheran uf d Wältz chuu un isch anne 1986 in d Schwyz chuu, wu si syterhäär läbt. Si het e doppleti Staatsbuurgerschaft. Vu 1998 bis 2003 het si ne Uusbildig zur Mediziinische Praxisassischtänti gmacht. Anne 2003 het si ne Voorkuurs fir Gstaltig z Aarau gmacht un druf Filmgstaltig an der Zürcher Hoochschuel vu dr Chinscht (ZHdK) studiert. Deert het si 2010 dr Bachelor un 2012 dr Master of Arts gmacht.[1]
Ire Debütfilm isch 2004 Wenn der Schleier fällt gsii. 2007 isch Der süsse kalte Hauch un 2009 Es ist normal, verschieden zu sein uusechuu, 2010 dr Chuurzfilm Taub un 2012 Parvaneh.[1] Dr letscht isch ire Abschlussfilm gsii, wu si dr Student Academy Award un dr First Steps Award dermit gwunne het.[2]
Filmografy
- 2004: Wenn der Schleier fällt (Experimäntaalfilm)
- 2007: Der süsse kalte Hauch (Chuurzfilm)
- 2009: Es ist normal, verschieden zu sein (Chuurz-Dokumäntaarfilm)
- 2010: Taub (Chuurzfilm)
- 2012: Parvaneh (Churzfilm)
Weblink
- Talkhon Hamzavi in dr Internet Movie Database
- d Talkhon Hamzavi uf swissfilms.ch
Fueßnote
- 1 2 Talkhon Hamzavi. Swiss Films, abgruefen am 10. Januar 2025.
- ↑ Talkhon Hamzavi. First Steps Award, abgruefen am 2. Februar 2015.
 |
Dä Artikel basiert uff ere fräie Übersetzig vu dere Version vum Artikel „Talkhon_Hamzavi“ vu de dütsche Wikipedia. E Liste vu de Autore un Versione isch do z finde. |