Thörishaus
| Thörishaus | ||
|---|---|---|
| Basisdate | ||
| Staat: | Schwiiz | |
| Kanton: | Bärn (BE) | |
| Verwautigschreis: | Bern-Mittelland | |
| Gmeind: | Köniz, Neuenegg | |
| Poschtleitzahl: | 3174 | |
| Koordinate: | 593323 / 193772 | |
| Iiwohner: | 1133 (2021[1]) | |
| Charte | ||
| ||
Thörishuus (hochdütsch Thörishaus) isch äs Dorf im Kanton Bärn. Dr öschtläch u grösser Teil vom Dorf ligt ir Gmeind Chöniz u dr chliiner weschtläch Teil ligt ir Gmeind Neuänegg. Ufgrund vo derä politischä Teilig vom Dorf isch 1933 dr Ortsverein Thörishuus gründet wordä wo d'Interässä vom ganzä Dorf söu verträttä[2]. D Iwohnerzau vo jewiiligä Dorfteil isch numä ir Gmeind Köniz erfasst, dört het ds Dorf 2024 1162 Iwohner gha.[3]
Geographi
Thörishuus ligt im Wangätau, im Weschtä vom Kanton Bärn. Ds Dorf ligt nordöschtläch vor Sänse wo o d'Gränzä zum Kanton Fribourg biudet. Ds Dorf het zwöi Bahnhöf, Thörishaus-Dorf u Thörishaus-Station (Hahlen). Über d'Sänsä geit bi Thörishuus ä Isäbahnbrügg u ä Outobahnbrügg wo d'Houptverkehrachsä zwüschä dr Stadt Bärn u dr Stadt Fribourg biudä.
Gschicht
Dr Namä Thörishuus chunnt vermuetläch vom sogenanntä Hof Hermann, am Hof wo ds Dorf begründet het.[4] Siit 1860 isch Thörishuus ads Schwiizer Bahnnetz agschlossä. Im gllichligä Jahr hei säch Betrib näbem Bahnhof agsidlet. Ufgrund vom industriellä Ufschwung vom Dorf isch 1863 äs Poschtlokau im Bahnhofshuus eröffnet wordä. [5] 1907 isch ä Telefonzentralä errichtet wordä wo 1938 automatisiärt isch wordä. Zwüschä 1892 u 1954 isch d'Poschsteu drü Mau umgsidlet wordä. 2014 isch d'Poscht am Bahnhof Thörishuus Dorf schlussändlech gschlossä wordä.
Weblinks
- Thörishaus auf der offiziellen Website der Gemeinde Köniz
- Anne-Marie Dubler: Thörishaus. In: Historisches Lexikon vo dr Schwiiz.
- Website des Ortsvereins Thörishaus
Fuessnotänä
- ↑ Zahlen & Fakten. Gemeinde Köniz, abgruefen am 24. Januar 2020.
- ↑ https://www.thoerishaus.ch/offizielles/historisches
- ↑ https://www.koeniz.ch/wohnen/gemeindeportraet/zahlen--fakten.page/145
- ↑ https://www.thoerishaus.ch/offizielles/historisches
- ↑ Anne-Marie Dubler: Thörishaus.. In: Historisches Lexikon vo dr Schwiiz. 4. Oktober 2012, abgruefen am 25. April 2017.