Yasd

Yazd

Yazd

Basisdate

Staat:

Iran

Provinz:

Provinz Yazd

Koordinate:

31° 51′ N, 54° 22′ O

Hööchi:

1.216 m

Iiwooner:

1,200,000^[1] (2016)

Vorwahl:

351

Zitzoone:

UTC+3:30

Yazd (persisch يزد‎ /jæzd/) (au Yasdi, Jasd oder Jesd) isch äini vo de eltiste Stedt im Iran und d Hauptstadt vo dr Browinz Yazd.

Yazd het e Bevölkerig vo öbbe 1,200,000. Mensche (im Joor 2016). D Stadt lit 250 km östlig vo Isfahan.Yazd ist die achtgrößte Stadt im Iran. Yazd hat eine Fläche von 180 Quadratkilometern.

Oasestadt

Yazd isch an ere Oase gründet worde und lit zwüsche de Wüeste vo dr Dascht-e Kavir und vo dr Dascht-e Lut. D Stadt existiert sit em dritte Joordausend vor Christus und isch s Zentrum vom zoroastrische Glaube im Iran gsi. Es git hüte no vili Füürtämpel (pers. Atashkadeh) do. Für d Wasserversorgig brucht mä bis hüte Wasserkanääl und -rööre (Qanat), wo zum Däil scho in der Antike aagläit worde si.

Gschicht

Noch em Undergang vom Sassanideriich und dr Eroberig vo Persie dur die muslimische Araber im 7. Joorhundert häi under anderem d Lokaldünastie vo de Kakuzide und spööter vo de Atabegs vo Yazd d Stadt beherrscht. Denn häi sä d Mongoole erooberet, aber nit zerstöört.

Yazd isch 1907 historisch bedütsam worde, wo d Gränze vo de Inträssesfääre vo de Brite und de Russ in Persie im ene Verdraag festgläit worde si. Zum russische Iiflussgebiet häi d Gebiet nördlig vo Yazd ghöört, zum britische die südlig drvoo.