Ermal Dredha
Ermal Dredha | |
|---|---|
 | |
| Kryetar i Bashkisë Vlorë | |
Titullar | |
| Në detyrë Korrik 2023 | |
| Paraprirë nga | Dritan Leli |
| Të dhëna vetjake | |
| U lind më | 15 tetor 1977 (48 vjeç) Vlorë, Shqipëri |
| Nënshtetësia | Shqiptar |
| Partia politike | Partia Socialiste e Shqipërisë |
| Shkollimi | Universiteti i Tiranës |
| Punësimi | Diplomat, politikan |
Ermal Dredha (lindur më 15 tetor 1977) është diplomat dhe politikan shqiptar, i cili prej korrikut 2023 mban detyrën e kryetarit të Bashkisë Vlorë. Ai ka mbajtur pozita të ndryshme në Ministrinë e Punëve të Jashtme dhe ka përvojë në marrëdhëniet ndërkombëtare dhe protokollin shtetëror.
Jeta dhe arsimimi
Ermal Dredha lindi më 15 tetor 1977 në Vlorë, Shqipëri. Ai u diplomua në Fakultetin e Gjuhëve të Huaja të Universitetit të Tiranës (1996–2000), ku studioi italisht dhe anglisht. Në vitin 2000, mori certifikatë në Teknologjinë e Informacionit në Tiranë. Në 2003 ndoqi kurs profesional në anglisht në Toronto, Kanada. Gjatë viteve 2004–2005 mori diplomë nga Ministria e Jashtme e Japonisë në Osaka, me fokus në gjuhën, historinë dhe kulturën japoneze. Në vitet 2006–2007 ndoqi kurs në Menaxhimin e Ngjarjeve të Mëdha në Shkollën Europiane të Ekonomisë në Londër.
Karriera
Filloi karrierën në vitin 1999 si përkthyes për gazetarë italianë gjatë krizës së Kosovës. Në vitin 2000 u emërua menaxher i arkivit kompjuterik në Bashkëpunimin Italian në Tiranë, duke menaxhuar projekte infrastrukture uji.
Në 2002 iu bashkua Ministrisë së Punëve të Jashtme si asistent personal i zv/kryeministrit dhe ministrit të jashtëm. Më vonë u drejtues i sektorit të IT dhe i Departamentit të Protokollit Shtetëror. Nga dhjetori 2010 deri në nëntor 2013 ishte Drejtor i Protokollit Shtetëror.
Nga nëntori 2013 deri në nëntor 2016 shërbeu si Konsull i Përgjithshëm në Bari, Itali.[1]
Nga maji 2016 deri në mars 2023 shërbeu si Ambasador i Shqipërisë në Emiratet e Bashkuara Arabe.[2][3]
Në prill 2023 u përzgjodh si kandidat i Partisë Socialiste për zgjedhjet lokale në Bashkinë e Vlorës. Në maj 2023 fitoi zgjedhjet dhe mori detyrën në korrik 2023, duke zëvendësuar Dritan Lelin.[4][5]
Referime
- ↑ "Kopje e arkivuar" (PDF). Arkivuar nga origjinali (PDF) më 11 prill 2023. Marrë më 12 prill 2023.
{{cite web}}: Mirëmbajtja CS1: Archived copy si titull (lidhja) - ↑ "Presidenti Nishani dekreton 4 ambasadorë". Marrë më 12 prill 2023.
- ↑ "Presidenti Begaj dekreton lirimin nga detyra e ambasadorit Ermal Dredha". Marrë më 30 maj 2025.
- ↑ "Vendim i KQZ për mandat" (në anglisht). Arkivuar nga origjinali më 10 gusht 2024. Marrë më 30 maj 2025.
- ↑ "Ermal Dredha merr detyrën në krye të Bashkisë Vlorë". Marrë më 30 maj 2025.