Gryka

Grykë ose Grikë (greqisht: Γκρίκα/Gríka) është fshat në qarkun i Çamërisë, Greqi.

Nga veriu Gryka kufizohet me Shëmrizën, nga jugu me Kajcanjin, nga lindja me Paramithinë (Ajdonatin) dhe nga perëndimi me Psakën.

Toponimet të fshatit Grykë:(Para Luftës së Dytë Botërore)^[1]

• Ar e Çenos – arë në fushë, në V.
• Ar’ e Dashit – arë, në P.
• Ar’ e Priftit – arë, në V.
• Ar’ e Vangjelit – arë, në VL.
• Ar’ e Xhemaliut — arë, në JL.
• Arat e Xhamisë – ara, në J.
• Ball’ e Lisave - kullotë në faqe mali, në P.
• Bogazi - arë, në P.
• Bogazi Grikës - kullotë në mal, në ara, në VL.
• Bokërrimaz – kullotë, në mal, në L.
• Brigjet e Bogazit – ara, në V.
• Dardha – kullotë, në L.
• Drras’ e Çanos – ara, në V.
• Drrasa e Gurit - shkëmb i çare, në J.
• Drras e Murcufit (Bishtobardhit) - rrugë që të çon në Paramithi.
• Drras e Sinorit - vend me pllaka guri ku ndan kufiri i fshatit me Draganjin, në J.
• Fiku Lëmënjëlës - ara dhe një fik në rrëzë të malit, në V.
• Dhrom i Bishtabardhit- rrugë që të çon në Paramithi.
• Fiku i Lëmenjës - arë dhe një fik në rrëzë të malit, në V.
• Fiku Venetit - fik i vjetër në mal, në V.
• Fush’ e Fshatit – fushë, në J.
• Gonej’ e Grikës – ara, në V.
• Gorric e Gallanit – ara, në L.
• Goxhomani - vend me ullinj, në P.
• Gravat e Murcufit – shpella, në L.
• Grik e Guvës – grykë, në P.
• Grik e Vidhit - grykë mali me pyll, në V.
• Gurët e Elimëve - 3 gurë të mëdhenj në një brinjë mali, në L. “Zdrikte një elim kaha mali për në shtëpi. Ki kish di gurë në krehë e një në kukë. Gurët rëndojnë ka 10 kuntal një. Nek po zdrikte kaha mali i flet një zë kaha fshati: Hajde me bët se ke djalin sëmurë. E lëshoi ki gurin që kish në kukë. Si që iku nja 50 metro hjimën, prapsi aj zë i foli: Hajde se vdiqi djali, dhe aj i hodhi bë dhe të di gurët që kish në supe.
• Gur i Buallit - shkëmb i madh, në L. Mbas dite, kur dielli binte mbi atë gur, fshatrat: Grykë, Draganj, Nikolicanj dhe Kajcanj lëshonin qetë nga parmenda.
• Gur i Haliqiut - shkëmb i madh, në V.
• Gur i Kaçimanit - shkëmb, në P.
• Gur’ i Spitharit - shkëmb që mbi të ka një spithar, në V.
• Gurët e Shavangëlave – shkëmbenj, në P.
• Guva - vësht me uIlinj, në P.
• Gjoli — ara, në P.
• Gjol i Dinos - 1200 dyn. tokë. ish pronë e Nuri Dinos, në L. mbillej gjatë verës.
• Hajdhonati – kishë, në qendër.
• Kalldrëm i Gonesë - në V.
• Klish e Shëndëlliut – gërmadhat e një kishe në mal, në L.
• Klish e Shënkollit - gërmadhë kishe në fshat.
• Klishazt - gërmadha kishe në mal, në L.
• Koçekët e Dinos - koçekë të dinenjëve të Paramithisë, në VL.
• Kondizma – ikonë, në V.
• Konopic’ e Gonesë – kullotë, në V.
• Kreshtani – kullotë, në L.
• Kungjet — mal, në V.
• Lëmënjëla — ara, në V.
• Lëmi Prapashesh – lëm, në V.
• Lëmthi - faqe mali, në V.
• Likovuni - pyll në mal, në L.
• Luc e Psakës – kënetë, në V.
• Llak e Fiqez – grykë, në L.
• Llak’ e Gorricës – grykë, në VL.
• Llak e Gjinit – grykë, kullotë, në J.
• Llak e Koçekut - vend grykë, në VL.
• Mal’ e Gjatës – majë, në J.
• Malat e Lisave - ara në mal, në P.
• Mal’ i Mekovës – mal, në V.
• Malat e Sheshtagjoneve – maja, në JL.
• Mali i Meçitit – mal, në V.
• Mazhi - ara në mal, në JL.
• Monet e Dhive - mone dhish, në V.
• Mulliri i Frëngut - mulli që e kanë pasë ndërtuar të huaj (ndoshta venecianët), në P.
• Mali i Grikave - mal shkëmbor në V.
• Mal i Psakës – mal.
• Mali Shkëmbit – mal, në L.
• Mulliri Hoxhës — mulli i cili ka qenë pronë e një hoxhë, në P.
• Murcufi – kullotë, në faqe mali, në V.
• Palostenet — brinja ku ka pasur stane të vjetër, në V.
• Panoçangëla – ara, në V.
• Pezulet – ara, në V.
• Prokua – fushë, në L.
• Prroi Bokërrimës – përrua, në L.
• Prroi Ferrës - përrua e pyll, në mal, në L.
• Prroi Math i Guvës — përrua, në P.
• Prroi i Murcufit – përrua, në L.
• Prroi Rrahut — përrua, në VL.
• Prroi Steneve – përrua, në VL.
• Prroi Thomait – përrua, në L.
• Pus i Bogazit - pus i gurtë, në P.
• Puset e Xhamisë - puse, në J.
• Raq’ i Xarrës - breg, në L.
• Riqet e Thoma Lolit - ara, në V.
• Riqi – fushë, në V.
• Rraha - brinjë, në VL.
• Rrahu Shozho Melunit – pyll, në V.
• Rrap’ i Kushes - rrap i madh. Aty është zhvilluar një luftë e rreptë ndërmjet forcave vendase dhe atyre zerviste greke më 1944.
• Rreqatua (Rreqatoi) - baçë me ullinj, në L.
• Rreth’ i Mollaisë - rreth me gurë të mëdhenj, në L.
• Stenet e Baçit - ara, në V.
• Shavangëla - kullotë, në V.
• Shkëmb i Buallit - shkëmb i madh, në L. I është dhënë ky emër se ka formën e buallit. Aty është vrarë kaçaku Mejdi Labi.
• Ulliri Vetëm - ulli në mal, në V.
• Varr’ i Markos në Klishaz - varr i vjetër në mal, në V.
• Verrlë (Verrla) - 3 puse, në J.
• Vilat - vend me ullinj, në L.
• Xhami e Mustafa Meleqit – xhami, në J.

Familjet në fshatin Grykë:(Para Luftës së Dytë Botërore)^[2]

Bacenj, Boçenj (Boço), Bejdolongenj, Bollovicarë, Bushenj, Cokrri, Çanenj, Dukenj (Duka), Goxhomarenj, Guxha, Kaçametenj, Kaçimani, Korofilenj, Karrushenj, Koçonarë, Llabenj (Llaba), Melunenj (Meluni), Priftatë, Rexhenj, Shullenj.

• vendndodhja