Lori Hoxha
Lori Hoxha | |
|---|---|
| Lindi | Lorela Hoxha 19 tetor 1993 (32 vjeçe) Tiranë, Shqipëri |
| Arsimi | Regent's University London |
| Profesioni | Drejtuese mediash Producente televizive |
| Vite aktiviteti | 2018–sot |
| Punonjës | Top Media |
| Bashkëshorti/ja |
Ervis Bajraktari (m. 2024) |
| Prindër |
|
| Të afërm | Sara Hoxha (motra) Redia Hoxha (motra) Itan Hoxha (vëllai) |
Lori Hoxha (lindur më 19 tetor 1993) është drejtuese mediash, sipërmarrëse dhe producente televizive shqiptare. Që nga viti 2022, ajo ka punuar në prodhimin televiziv dhe menaxhimin e Top Channel, ku aktualisht mban postin e Drejtores së Përgjithshme (CEO).[1][2]
Jeta e hershme dhe arsimimi
Hoxha lindi në Tiranë më 19 tetor 1993. Ajo është e bija e sipërmarrësit Dritan Hoxha dhe Vjollca Hoxhës. Ajo ka 2 motra : Sarën, Redian dhe një vëlla Itan. Ajo u rrit në një familje aktive në sektorin e medias shqiptare. Hoxha përfundoi arsimin e saj të hershëm në Shqipëri përpara se të transferohej jashtë vendit.[2] Ajo ndoqi Regent's University London në Mbretërinë e Bashkuar, ku studioi në degët biznes ndërkombëtar dhe menaxhim global, duke u diplomuar në vitin 2020.[3][4] Motra e saj, Sara Hoxha, punon si producente televizive në Top Channel, ndërsa prezantuesi Ledion Liço është kunati i saj.[1]
Karriera
Prodhimi televiziv
Hoxha filloi të punojë në prodhimin televiziv në vitin 2018. Ajo ka shërbyer si producente ekzekutive në disa edicione të reality show-t Big Brother VIP Albania, duke përfshirë:
Big Brother Albania VIP 1 (2022)
Big Brother Albania VIP 2 (2023)
Big Brother Albania VIP 3 (2024) [5]
Ajo ka punuar gjithashtu në programe të tjera të Top Channel, duke përfshirë Top Music Awards.[6]
Drejtimi ekzekutiv
Hoxha u përfshi në menaxhimin e medias gjatë fundit të viteve 2010. Në vitin 2022, ajo pasoi nënën e saj, Vjollca Hoxha, si Drejtoreshë e Përgjithshme (CEO) e Top Media-s.[7]
Aktivitete biznesi
Përveç punës në televizion, Hoxha ka marrë pjesë në disa nisma biznesi. Ajo u përfshi në ri-brandimin e kompanisë së kafesë Lori Caffe dhe më vonë prezantoi pijen energjike Storm. Ajo ka bashkëpunuar gjithashtu me markën shqiptare të veshjeve sportive COHL’S Sportswear, duke nxjerrë linjën e veshjeve sezonale nën etiketën "LH x COHL’S".[8][9]
Jeta personale
Në tetor të 2024, Hoxha u martua me biznesmenin shqiptar Ervis Bajraktari, në një ceremoni private në Tiranë.[10]
Referime
- 1 2 "Lori Hoxha – Biography". Teksteshqip. Marrë më 17 nëntor 2025.
- 1 2 ""Hoxha Family (Media Ownership)"". Media Ownership Monitor Albania (në anglisht). Marrë më 19 nëntor 2025.
- ↑ "Lori Hoxha was moved to London and she just discovered the reason". Class Lifestyle (në anglisht). 3 nëntor 2018. Marrë më 19 nëntor 2025.
- ↑ "Lori Hoxha talks about her life and remembers her father: It made me believe in life, when everything seemed gloomy". Politiko (në anglisht). 18 dhjetor 2020. Marrë më 19 nëntor 2025.
- ↑ "Së shpejti "Big Brother VIP", Lori Hoxha ndan pamje nga shtëpia e madhe" [Coming soon “Big Brother VIP”, Lori Hoxha shares shots from the big house]. Newsbomb. 11 dhjetor 2023. Marrë më 19 nëntor 2025.
- ↑ "Lori Hoxha dhe Ledioni në MTV BR/EMA marrin ide për Top Awards". Shqiptarja.com. 6 nëntor 2023. Marrë më 19 nëntor 2025.
- ↑ "Si është të drejtosh Top Channel — Lori Hoxha: "Kam gjithë jetën që përgatitem"". BoldNews.al. 30 prill 2022. Marrë më 19 nëntor 2025.
- ↑ ""Një stuhi po vjen", çfarë po paralajmëron Lori Hoxha?". Pamfleti.net (në anglisht). Marrë më 19 nëntor 2025.
- ↑ ""Lori Hoxha zbulon njeriun që e nxori nga muret që i kishte vendosur vetes"". Bordo.al. Marrë më 19 nëntor 2025.
- ↑ "Ekskluzive/ Dasma e vitit! Lori Hoxha martohet këtë fundjavë, detaje nga ceremonia". Vip-Magazine.al. Marrë më 19 nëntor 2025.