Pjerin Ndreu
Pjerin Ndreu | |
|---|---|
| Kryetar i Bashkisë Lezhë | |
Titullar | |
| Në detyrë 30 qershor 2019 | |
| Paraprirë nga | Fran Frrokaj |
| Deputet në Kuvendin e Shqipërisë | |
| Në detyrë qershor 2013 – maj 2019 | |
| Të dhëna vetjake | |
| U lind më | 12 dhjetor 1966 (59 vjeç) Pukë, Shqipëri |
| Partia politike | Partia Socialiste e Shqipërisë |
| Shkollimi | Universiteti i Tiranës |
| Profesioni | Politikan, ish-polic |
| Punësimi | Jurist, Pedagog |
| Çmimet | Medalja e Mirënjohjes (2003) |
| Nënshkrimi | .svg.png) |
| Shërbimi ushtarak | |
| Grada | Kryekomisar i Policisë së Shtetit |
Pjerin Ndreu (lindur më 12 dhjetor 1966) është Kryetar i Bashkisë Lezhë që nga zgjedhjet e 30 qershorit 2019. Ai është anëtar i Partisë Socialiste, e cila fitoi të gjitha bashkitë në këto zgjedhje.
Nga qershori 2013 deri në maj 2019 ka qenë deputet në Kuvendin e Shqipërisë.
Ka një karrierë të gjatë në fushën e rendit dhe sigurisë. Pas përfundimit të studimeve në Shkollën e Lartë të Ministrisë së Brendshme në vitin 1988, Ndreu ka shërbyer si inspektor dhe drejtues i Policisë Kriminale në Lezhë, Shkodër, Berat dhe Mirditë. Nga 1997 deri në 1999 ka qenë shef i Komisariatit të Policisë Lezhë, Komisariatit nr.1 në Tiranë dhe Drejtor i Policisë së Qarkut Shkodër. Në periudhën 1999-2002 ka qenë Drejtor i Policisë së Qarkut Gjirokastër dhe Drejtor i Policisë Kufitare Shkodër.
Në vitet 2002-2004 ka mbajtur poste të larta në Policinë e Shtetit, duke qenë zv.Drejtor i Përgjithshëm dhe Drejtor i Policisë së Qarkut Tiranë. Ka gradën policore Kryekomisar dhe në vitin 2003 është dekoruar me “Medaljen e Mirënjohjes” nga Presidenti i Republikës.
Gjatë karrierës akademike, ka kryer studimet e larta në drejtësi në Universitetin e Tiranës dhe ka qenë pedagog i kriminologjisë dhe kriminalistikës në Fakultetin e Drejtësisë “Justiniani I” (2007–2013). Ka ndjekur gjithashtu kualifikime dhe trajnime ndërkombëtare në Gjermani, Kanada, Angli dhe institucione të tjera si ICITAP.