Windows XP

Windows XP
Pamja e ekranit të Windows XP
DeveloperMicrosoft
OS familyMicrosoft Windows
Source modelBurimi i mbyllur, Burimi i përbashkët[1]
Released to
manufacturing		tetor 25, 2001 (2001-October-25)
Latest release5.1 (Build 2600: Service Pack 3) / prill 21, 2008 (2008-04-21)[2]
Update methodWindows Update
Windows Server Update Services (WSUS)
System Center Configuration Manager (SCCM)
Supported platformsIA-32, x86-64 dhe Itanium
Kernel typeHibrid
LicensePronësi, softuer komercial
Preceded byWindows Me dhe Windows 2000
Succeeded byWindows Vista
Official websitemicrosoft.com/windows-xp
Support status
Mbështetja kryesore Përfundoi më 14 prill 2009
Mbështetje e zgjeruar Mbështetja e zgjeruar përfundoi më 8 prill 2014 për Windows XP me Service Pack 3 dhe Windows XP x64 Edition me Service Pack 2
Ulja e mbështetjes I disponueshëm deri në fund të ciklit të jetës Windows 7[3]
Articles in the series
  • Zhvillimi i Windows XP
  • Karakteristika të reja për Windows XP
  • Edicionet e Windows XP
  • Kritika e Windows XP
  • Lista e veçorive të hequra në Windows XP

Windows XP është një familje e sistemeve operative 32 dhe 64 bit, e cila prodhohet nga Microsoft për PC (Kompjuterët Personalë). Në grupin e kompjuterëve që përdorin Windows XP janë desktopët, laptopët dhe kompjuterat Media Center. Emri "XP" nënkupton fjalën eXPerience - përvojë. Windows XP është pasardhës si i Windows 2000 Professional dhe i Windows Millennium (ME) dhe është versioni i parë i një sistemi operativ për përdoruesit e thjeshtë që ka hedhur në treg Microsoft që mbështetet në kernelin dhe arkitekturën e Windows NT (versioni 5.1). Windows XP doli për herë të parë në 25 tetor 2001 dhe brenda janarit 2006 kishte 400 milionë kopje të tij në përdorim, e gjitha kjo sipas vlerësimeve të specialistëve të tregut amerikanë. Ajo u pasua nga Windows Vista, e cila doli për përdoruesit e licencuar në 8 nëntor 2006 dhe për publikun në 30 janar 2007. Shitjet e drejtpërdrejta të XP përfunduan në 30 qershor 2008, por disa kompani po e shesin XP me kompjuterët e tyre deri në 31 janar 2009. Përdoruesit e pasionuar pas XP kanë gjetur dhe një mënyrë për ta mbajtur atë përherë, duke blerë Windows Vista Ultimate ose Business, të cilat kanë në pakon e tyre dhe një kopje të Windows XP.

Edicionet më të përdorshme të XP janë Windows XP Home Edition, e cila i dedikohet përdoruesve shtëpiakë dhe Windows XP Professional, e cila ofron mjete shtesë për përdoruesit profesionistë, serverat dhe për kompjuterët që kanë më tepër se një procesor. Windows XP Media Center Edition shton mundësitë për multimedia, për regjistrimin e shfaqjeve televizive, për të parë filma DVD dhe për të dëgjuar muzikë. Windows XP Tablet PC Edition punon për platformat Tablet PC kurse Windows XP 64-bit punon edhe në procesorët normalë Intel 64-bit edhe në procesorët Intel Itanium 64-bit.

Windows XP njihet për stabilitetin e vet dhe për bashkëveprimin gati total me programet që janë sot në treg.

Gjatë krijimit, punonjësit e Microsoft i vunë emrin e koduar "Whistler", sepse për të bërë ski ata shkonin në lokalitetin Whistler të Kolumbisë Britanike, një nga provincat e Kanadasë.

Referime

  1. ↑ "Windows Licensing Programs" (në anglisht). Microsoft. Marrë më 21 shtator 2008.
  2. ↑ http://www.microsoft.com/windows/lifecycle/servicepacks.mspx
  3. ↑ Ina Fried (1 korrik 2010). "Microsoft extends Windows XP downgrade rights" (në anglisht). CNN. Arkivuar nga origjinali më 27 shkurt 2012. Marrë më 6 mars 2012.

Shiko Edhe


This page is issued from Wikipedia. The text is available under Creative Commons Attribution-Share Alike 4.0 unless otherwise noted. Additional terms may apply for the media files.