Zllakuçani

Zllakuçani (maqedonisht: Злокуќане/Zlokućane) ёshtё një fshat nё komunën e Likovës, Maqedonia e Veriut.

Ai është fshat malor dhe kufizohet me Republikën e Kosovës. Përmendet në vitin 1519 me 56 familje, ku 33 prej tyre i përkisnin besimit islam dhe 23 krishterë. Fshati Zllokuçani ishte Zokukani, nga vajton apo kukatë me zë. Në kohën ilire vendi i arave quhej "Zalli Kuq” ose "Zllakuqani i Epërm” sot. Në kohën e Perandorisë Romake fshati njihej si "Sanguineus”, që do të thotë njeri i përgjakur ose njeri i kuq si gjaku. Në kohën e Perandorisë Bizante fshati njihej si "Sanguinolentusaum” që do të thotë njeri i plagosur me gjak ose i lënduar dhe me plot gjak. Në kohën e Perandorisë Otomane Turke, fshati njihej si "Kumaniçevë”. Në kohërat tona, sllavët e quajtën "Zlokučane”, shteti i Maqedonisë nëpër hartat zyrtare e ka emëruar si "Gorno Zlokukjane” (Горно Злокуќани). Njerëzit përdorin emrin "Zllakuçan”, por më e saktë do të ishte "Zalli Kuq” apo "Zallkuqan” duke iu referuar emrit më të vjetër dhe më të saktë nga koha ilire. Mendimin e banorëve e vërteton edhe vendi i quajtur "Uji i Kuq", ku buron ujë i kuq për shkak të dheut të kuqërremtë, vend i cili më herët u takonte zllakuçanasve. Njerëzit e fshatit janë marrë më shumë me blegtori dhe pylltari. Për shkak kushteve jo fort të lehta për të jetuar pothuaj të gjithë janë shpërngulur në fshatrat e tjerë shqiptare të atyre anëve, si edhe në Kumanovë. Për momentin, aty jetojnë 2-3 familje. Në këtë fshat ka varre të vjetra, drunj (lisa), themele të shtëpive dhe kroje.

Fshati ishte i ndarë në dy pjesë apo lagje, Zllakuçani i poshtëm që ka mbetur në territorin e Kosovës dhe Zllakuçani i epërm që ndodhet në rajonin e Kumanovës, komuna e Likovës, Republika e Maqedonisë së Veriut.

Sipas një regjistrimi të vitit 1900 fshati numëronte 125 shqiptarë, kurse sipas numërimit të vitit 2002 kishte 12 shqiptarë.

• Kumanova.li

Ky artikull me tematikë në lidhje me gjeografinë e Maqedonisë së Veriut është një faqe cung. Ju mund të ndihmoni Wikipedia-n duke e përmirësuar atë.