18. Novämber

Dr 18. Novämber isch dr 322. Dag vum Gregorianische Kalender (dr 323. in Schaltjohr), dodermit blybe no 43 Däg bis zum Änd vum Johr.

Was isch bassiert?

1523: Dr Giulio de’ Medici wird Papscht vu dr remisch-katholische Chilche un git sich dr Name Clemens VII.
1626: Z Rom wird dr Petersdom noch ere Böuzyt vu 120 Johr vum Papscht Urban VIII. yygweit.
1659: Im Théâtre du Petit-Boubon z Paris wird d Kumedi «Les Précieuses ridicules» vum Molière urufgfiert.
1803: No dr Wideryyfierig vu dr Sklaverei in dr franzesische Kolonie dur dr Napoleon Bonaparte sige di ufständische Schwarze im franzesische Dail vu Hispaniola unter em Jean-Jacques Dessalines iber d Franzose in dr Schlacht vu Vertières un erkämpfe dodermit ändgiltig d Unabhängigkeit vu Haiti.
1918: Dr Lettisch Volksrot rieft d Unabhängigkait vu Lettland uus.
1943: Dr Roman Das Glasperlenspiel vum Hermann Hesse wird vereffetligt.
1959: Z New York City het dr Film Ben Hur vum William Wyler Premiere.

Commons: 18. Novämber – Sammlig vo Multimediadateie