Çka ka Shpija

Çka ka Shpija, ose Çka ka Shpija... kallzon fmija, është një serial kosovar sitcom dhe satirë i krijuar nga Naser Rafuna. Ai u transmetua për tetë sezona në RTK 1 prej 11 dhjetorit 2014^[1] deri më 1 janar 2022 për tetë sezona,^[2][3] dhe kaloi në Klan Kosova prej 18 prillit 2022 deri më 1 janar 2026 për sezonet 9-13.^[4][5]

Seriali përqëndrohet rreth familjes Demollari, të përbërë prej kryefamiljarit Xhek "Setra" (Naser Rafuna), një biznesmen i pasur koprrac; gruas së tij Rabijen (Gresa Pallaska) prej një martese të detyruar; dhe katër fëmijët e tyre: Hamdiun (Dardan Gashi), Andin (Orik Morina), Republikën (Maylinda Kosumovic; Teuta Krasniqi) dhe Hajrushin (Treva Riza). Me ta jeton edhe motra e Xhekut, Argjenda (Irena Aliu).

• Naser Rafuna si Xhek Setra
• Gresa Pallaska si Rabije Demollari (prej sez. 1, deri ne sez. 11 ep. 16)
• Adem Mikullovci si Beqiri
• Irena Aliu si Argjenda Setra
• Leze Qena si Nana Njerkë
• Dardan Gashi si Hamdi Demollari
• Maylinda Kosumovic si Republika (prej sez. 3, ep. 16 zëvendësohet nga Teuta Krasniqi)
• Fiona Gllavica si Pajtesa Gashi
• Teuta Krasniqi si Aferdita (Futet në serial në sez. 11, ep 29)
• Ilir Prapashtica si Laluki

• Agan Asllani si Doktori
• Astrit Kabashi si Skenaristi (sezoni 3)
• Shkëlqim Bunjaku si Selimi
• Orik Morina si Andi
• Granit Uka si Herifi
• Kastriot Saqipi
• Fatbardha Hoxha si Rebeka
• Treva Riza si Hajrushi

Shënime:

Çka ka Shpija është ndër serialet më të shikuara shqiptare të viteve 2010 dhe 2020. Sipas firmës Kerolli, Çka ka Shpija u gjet ndër frazat më të kërkuara në YouTube nga përdoruesit në Kosovë gjatë vitit 2021, krahas Për'puthen dhe Big Brother.^[6] Përkundër popullaritetit të tij, shikues të profilit të lartë dhe aktorë nga industria e kanë kritikuar serialin negativisht. Linda Brahimaj cek për Reporterin që seriali u kritikua për "mungesën e elementeve artistike dhe humorin banal, deri në promovim e dhunës ndaj grave dhe në familje në përgjithësi."^[3]

Në një botim tani të fshirë në Facebook, shefi i stafit të Kryeministrit, Luan Dalipi e quajti serialin "plot sjellje degjeneruese", duke shkruar më tutje, "Më pengon fakti që këso seriale pa shije, pa kreativitet e mbi të gjitha pa elemente edukuese për fëmijët shfaqen në televizionin tonë publik, të paguar me taksat e qytetarëve". Krijuesi Naser Rafuna iu përgjigj Dalipit në një reagim duke i thënë, "të falemnderojmë por mendimit tënd i përgjigjet më së miri audienca."^[7][8]

• Çka ka Shpija në Internet Movie Database

1. ↑ ""Çka ka shpija", seriali më i ri në RTK". PrizrenPress. 2014-12-02. Marrë më 2026-04-16.
2. ↑ "Seriali "Çka ka Shpija" pas 8 sezoneve përfundon së transmetuari në RTK – Epoka e Re". Epoka e Re. Marrë më 2024-04-28.
3. 1 2 3 Ibrahimaj, Linda (18 janar 2022). "I skadoi kontrata me RTK-në, seriali "Çka ka Shpija" pas 8 sezoneve përfundon së transmetuari në televizionin publik". Reporteri.
4. ↑ "Seriali "Çka ka shpija" së shpejti në Klan Kosova – Epoka e Re". Epoka e Re. Marrë më 2024-04-28.
5. ↑ "Pas 11 vitesh, "Çka ka shpija" fik dritat". Zëri. Marrë më 1 janar 2026.
6. ↑ ""Përputhen", "Çka ka shpia" dhe "Big Brother", fjalët që kosovarët i kërkojnë më së shumti në Youtube". Reporteri.net. 6 janar 2022. Marrë më 28 prill 2024.
7. ↑ "Shefi i stafit të kryeministrit, Luan Dalipi e quan serialin "Çka ka shpija" degjenerues - kundërpërgjigjet Naser Rafuna". Telegrafi.com. 26 maj 2020. Marrë më 28 prill 2024.
8. ↑ Sylejmani, Majlnda (2020-05-26). "Rafuna i përgjigjet këshilltarit të Kurtit pasi ia kritikoi serialin: Mos u bo personazh, pak më parë e mora vesh kush je". Ballkani.info. Marrë më 2024-04-28.