Medon Berisha
| Informacioni personal | |||
|---|---|---|---|
| Data e lindjes | 21 tetor 2003 (22 vjeç) | ||
| Vendi i lindjes | Münsingen, Zvicër | ||
| Gjatësia | 1.86 m (6 ft 1 in) | ||
| Pozicioni(et) | Mesfushor | ||
| Informacioni i ekipit | |||
Ekipi aktual | Lecce | ||
| Numri | 5 | ||
| Karriera me të rinjtë | |||
| –2015 | Bern | ||
| 2015–2022 | Young Boys | ||
| 2022–2023 | Lecce | ||
| Karriera si profesionist* | |||
| Vitet | Ekipi | Ndsh | (Gola) |
| 2021–2022 | Young Boys II | 16 | (1) |
| 2023– | Lecce | 17 | (0) |
| Karriera ndërkombëtare‡ | |||
| 2021 | Shqipëria U19 | 2 | (0) |
| 2022 | Kosova U21 | 2 | (0) |
| 2022– | Shqipëria U21 | 11 | (3) |
| 2024– | Shqipëria | 3 | (0) |
|
* Ndeshjet dhe golat në ligën vendase të klubeve të sakta prej datës 14 mars 2025 ‡ Ndeshjet dhe golat me kombëtaren, të sakta prej datës 7 shtator 2024 | |||
Medon Berisha (lindur më 21 tetor 2003) është një futbollist profesionist shqiptar i cili luan si mesfushor për klubin italian Lecce dhe kombëtaren shqiptare. Ai ka lindur në Zvicër nga prindër shqiptar nga Kosova dhe në të kaluarën ka luajtur me ekipin nën-21 të Kosovës si dhe me ekipet nën-19 dhe -21 të Shqipërisë.
Karriera me klube
Berisha e nisi karrierën e tij në akademinë e Bern dhe më pas në atë të Young Boys.[1] Në sezonin 2021–22, ai ishte pjesë e ekipit rezervë të klubit, duke u aktivizuar në 16 ndeshje. Në shkurt 2022, Berisha u transferua te Lecce dhe u bë pjesë e ekipit Primavera.[2][3]
Berisha u thirr në ekipin e parë të Lecces gjatë sezonit 2023–24. Ai bëri debutimin e tij si profesionist më 1 nëntor 2023 në humbjen 4–2 kundër Parmës, duke u aktivizuar si titullar për 90 minuta.[4] Debutimi i tij në Serie A erdhi më 25 shkurt 2024 në humbjen 4–0 në shtëpi kundër Interit, duke zëvëndësuar Ylber Ramadanin në minutat e fundit.[5]
Në tetor 2024, Lecce konfirmoi se Berisha kishte firmosur një kontratë të re deri në vitin 2028.[6]
Karriera ndërkombëtare
Karriera ndërkombëtare e Berishës nisi në vitin 2021 kur ai u thirr në kombëtaren shqiptare nën-19,[7] por nuk mundi të luajë për shkak të problemeve burokratike me marrjen e pasaportës shqiptare. Kjo gjë bëri që ai të kalonte te Kosova, me të cilën luajti dy ndeshje me ekipin nën-21 në vitin 2022.[8]
Pasi mori pasaportën shqiptare në gusht 2023, Berisha u ftua në ekipin nën-21 nga trajneri Alban Bushi, duke luajtur si titullar gjatë fushatës kualifikuese të Kampionatit Evropian nën-21 2025, ku ai ishte edhe kapiten.[8] Berisha shënoi dy gola gjatë kualifikueseve, respektivisht në fitoret kundër Rumanisë dhe Malit të Zi.[9] Pavarësisht kontributit të tij, Shqipëria nuk u kualifikua në finalet e turnamentit.
Më 27 maj 2024, Berisha u ftua në listën paraprake të kombëtares së parë për finalet e UEFA Euro 2024 nga trajneri Sylvinho.[10] Disa ditë më pas, ai debutoi në fitoren 3–0 në miqësoren kundër Lihtenshtajnit, duke u aktivizuar si zëvëndësues në minutën e 74të në vend të Jasir Asanit.[11]
Profili i lojtarit
Pozicioni natyral i Berishës është mesfushor qëndror por ai mund të luaj edhe si anësor i majtë.[12][13]
Jeta personale
Berisha ka lindur në Münsingen të Zvicrës nga prindër shqiptar nga Kaçaniku. Ai nisi të luajë futboll në moshën 5 vjeç.[14] Në gusht 2023, ai mori pasaportën shqiptare.
Statistikat e karrierës
Klube
- Përditësuar më 14 mars 2025[15]
| Klubi | Sezoni | Liga | Kupa | Evropa | Tjetër | Gjithsej | ||||||
|---|---|---|---|---|---|---|---|---|---|---|---|---|
| Divizioni | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | ||
| Lecce | 2022–23 | Serie A | 0 | 0 | 0 | 0 | — | — | 0 | 0 | ||
| 2023–24 | Serie A | 6 | 0 | 1 | 0 | — | — | 7 | 0 | |||
| 2024–25 | Serie A | 11 | 0 | 1 | 0 | — | — | 12 | 0 | |||
| Gjithsej | 17 | 0 | 2 | 0 | — | — | 19 | 0 | ||||
| Gjithsej karriera | 17 | 0 | 2 | 0 | 0 | 0 | 0 | 0 | 19 | 0 | ||
Kombëtarja
- Përditësuar më 7 shtator 2024[16]
| Ekipi kombëtar | Viti | Ndsh | Gola |
|---|---|---|---|
| Shqipëria | 2024 | 3 | 0 |
| Gjithsej | 3 | 0 | |
Referime
- ↑ "Debutoi me Kombëtaren A, ja rrugëtimi i Medon Berishës". Gazeta Panorama. 5 qershor 2024. Marrë më 25 mars 2025.
- ↑ "Medon Berisha, le talent de Lecce qui devrait exploser dans le football italien" (në frëngjisht). koha.net. Arkivuar nga origjinali më 22 shkurt 2024. Marrë më 26 mars 2025.
- ↑ "Një tjetër shqiptar transferohet te Lecce, merr një fantazist nga Young Boys". Ekonomia Online. 12 shkurt 2022. Marrë më 25 mars 2025.
- ↑ "Medon Berisha debutoi me Leçen, trajneri: Ishte më i miri në fushë". Panorama Sport. 1 nëntor 2023. Marrë më 25 mars 2025.
- ↑ "Ditë e veçantë, talenti i Shpresave bën debutimin në Serinë A kundër Interit". BalkanWeb.com. 25 shkurt 2024. Marrë më 25 mars 2025.
- ↑ "ZYRTARE/ Dhuratë para datëlindjes, klubi i Seria A "blindon" mesfushorin e Kombëtares deri në vitin 2028". Panorama Sport. 18 tetor 2024. Marrë më 25 mars 2025.
- ↑ ""Me Kombëtaren shqiptare përfaqësoj gjithë shqiptarët"/ La Zvicrën dhe refuzoi Kosovën, një tjetër talent debuton me kuqezinjtë". Sport Ekspres. 8 tetor 2021. Marrë më 25 mars 2025.
- 1 2 "Medon Berisha kishte qenë pjesë e Kosovës U21, para se të bindej ta veshte fanellën e Shqipërisë". albinfo.ch. 1 qershor 2024. Marrë më 25 mars 2025.
- ↑ "Fantastike/ Shtatori, muaji i kuqezinjve! Nga 0-2 në 3-2, përmbysje e çmendur me gola spektakolarë nga Shpresat e Bushit". Sport Ekspres. 12 shtator 2023. Marrë më 25 mars 2025.
- ↑ "Dikur ishte pjesë e Kosovës, tani Medon Berisha pjesë e Shqipërisë në EURO". Podujeva Sot. 27 maj 2024. Marrë më 25 mars 2025.
- ↑ "Albania-Liechtenstein | European Qualifiers 2024" (në anglisht). UEFA. Marrë më 4 qershor 2024.
- ↑ "Chi è Medon Berisha?". seriebnews.com (në italisht). 27 shtator 2022.
- ↑ "Ishte emri që i la të gjithë pa fjalë në listën e Euro24! Kush është Medon Berisha? Një Mario Mitaj i ri në stilin e Kristjan Asllanit". Sport Ekspres. 31 maj 2024. Marrë më 25 mars 2025.
- ↑ "Medon Berisha: Dua Kombëtaren dhe Champions". Radio Televizioni Shqiptar. Arkivuar nga origjinali më 30 nëntor 2024. Marrë më 26 mars 2025.
- ↑ "Medon Berisha" (në anglisht). Soccerway. Marrë më 25 mars 2025.
- ↑ Benjamin Strack-Zimmermann. "Medon Berisha" (në anglisht). National Football Teams. Marrë më 29 tetor 2022.